View source for כתאב אקלידס פי אלאצול - Arabic in Hebrew Characters

__TOC__
<br>
{|
|-
|
== Book II ==

|style="text-align:right;"|المقالة الثانية
|-
|
!style="text-align:right;"|אלמקאלה אלתאניה מן כתאב אקלידס פי אלאצול
|-
|
|style="text-align:right;"|כל סטח מתואזי אלאצ'לאע קאים אלזואיה פאן אלכ'טין אלמסתקימין אלמחיטין באחדי זואיאה אלקאימה יקאל להמא אלמחיטין בה
|-
|
|style="text-align:right;"|וכל סטח מתואזי אלאצ'לאע פליסם אחד אלסטחין אלמתואזי אלאצ'לאע אלדין עלי קטרה אינמא כאן מע כלא אלסטחין אלמתממין אלעלם
|-
|
=== Proposition 1 ===

|style="text-align:right;"|אד'א כאן כ'טאן מסתקימאן וקסם אחדהמא באקסאם כם כאנת פאן אלסטח אלקאים אלזואיה אלדין יחיט בהא אלכ'טאן אלמסתקימאן מסאו ללסטוח אלקאימה אלזואיה אלדי יחיט בהא אלכ'ט אלדי לם יקסם וכל ואחד מן אלאקסאם
|-
|
|style="text-align:right;"|פליכון כ'טאן מסתקימאן עליהמא א' וב"ג ולנקסם כ'ט ב"ג אקסאמא כם כאנת עלי נקטתי אלד' ואלה' פאקול אן אלסטח אלקאים אלזואיה אלד'י יחיט בהא כט א' וב"ג מסאו ללסטח אלקאים אלזואיה אלדי יחיט בהא כ'ט א' וב"ד ואלסטח אלקאים אלזואיה אלדי יחיט בהא כ'ט א' וד"ה ואלסטח אלקאים אלזואיה אלדי יחיט בהא כ'ט א' וה"ג
|-
|
|style="text-align:right;"|פלנכ'רג מן נקטה ב' מן כ'טא ב"ג אלמסתקים כ'טא מסתקימא עלי זאויה קאימה והו כ'ט ב"ז ולנציר כ'ט ב"ז אלמסתקים מסאויה לכ'ט אלא' אלמסתקים
|-
|
|style="text-align:right;"|ולנכ'רג מן נקטה אלז' איצ'א כ'ט ז"ח מואזיה לכ'ט ב"ג אלמסתקים
|-
|
|style="text-align:right;"|ונכ'רג מן נקטה אלד' ואלה' ואלג' כ'טוט מסתקימה מואזיה לכ'ט ב"ז והי כ'טוט ד"ט וה"כ וג"ח
|-
|
|style="text-align:right;"|פכל ואחד מן סטוח ב"ט וד"כ וה"ח מתואזי אלאצ'לאע [קאים אלזואיה] וסטח ב"ח מסאו לגמיע סטוח ב"ט וד"כ וה"ח
|-
|
|style="text-align:right;"|פאמא סטח ב"ט פאנה מסאו ללסטח אלקאים אלזואיה אלדי יחיט בהא כ'טא א' וב"ד לאן כ'ט ב"ז מסאו לכ'ט אלא'
|-
|
|style="text-align:right;"|ואמא סטח ד"כ פאנה מסאו ללסטח אלקאים אלזואיה אלד'י יחיט בהא כ'טא א' וד"ה לאן כ'ט ד"ט מסאו לכ'ט אלא'
|-
|
|style="text-align:right;"|ואמא סטח ה"ח פאנה מסאו [ללסטח] אלקאים אלזואיה אלדי יחיט בה כ'טא [אלא' וג"ה] [לאן כ'ט] ה"כ מסאו לכ'ט אלא'
|-
|
|style="text-align:right;"|פאלסטח אלקאים אלזואיה אלד'י יחיט בהא כ'טא א' וב"ג מסאו לגמיע [אל]סט[ו]ח אלקאימה אלזואיה אלד'י יחיט בהא כ'טא א' וב"ד וכ'טא א' וד"ה וכ'טא א' וה"ג
|-
|
|style="text-align:right;"|פאד'א כאן כ'טאן מסתקימאן וקסם אחדהמא אקסאמא כם כאנת פאן אלסטח אלקאים אלזואיה אלדי תחיט בהא אלכ'טאן אלמסתקימאן מסאו לגמיע אלסטוח אלקאימה אלזואיה אלד'י יחיט בהא אלכ'ט אלדי לם יקסם וכל ואחד מן אלאקסאם
|-
|
|style="text-align:right;"|ופי נסכ'ה אלחגאג יקול כל כ'טין יקסם אחדהמא באקסאם כם כאנת פאן אלדי יכון מן צ'רב אחד אלכ'טין פי אלאכ'ר מתל אלדי יכון מן צ'רב אלכ'ט אלדי לם יקסם פי גמיע אקסאם אלכ'ט אלמקסום
|-
|
=== Proposition 2 ===

|style="text-align:right;"|אד'א קסם כ'ט מסתקים כיף מא אתפק פאן אלסטוח אלקאימה אלזואיה אלדי יחיט בהא אלכ'ט כלה וכל ואחד מן אקסאמה מסאו ללמרבע אלכאין מן אלכ'ט כלה
|-
|
|style="text-align:right;"|פליכון כ'ט מסתקים עליה א"ב וליקסם כיף מה אתפק עלי נקטה אלג' פאקול אן אלסטח אלקאים אלזואיה אלד'י יחיט בהא כ'טא ב"א וא"ג מע אלסטח אלקאים אלזואיה אלד'י יחיט בהא כ'טא א"ב וב"ג מסאויאן ללמרבע אלכאין מן כ'ט א"ב
|-
|
|style="text-align:right;"|פלנעמל מן כ'ט א"ב מרבעא עליה א'ד'ה'ב' ולנכ'רג מן נקטה אלג' כ'טא מסתקימה מואזיה לכל ואחד מן כ'טי א"ד וה"ב והו כ'ט ג"ז פכל ואחד מן סטחי א"ז ג"ה מתואזי אלאצ'לאע פסטח א"ה מסאו לסטחי א"ז וג"ה וסטח א"ז מסאו לסטח אלקאים אלזואיה אלדי יחיט בהא כ'טא ב"א וא"ג לאנה יחיט בה כ'טא ד"א וא"ג וכ'ט ד"א מסאו לכ'ט א"ב וסטח ג"ה מסאו לסטח אלקאים אלזואיה אלדי יחיט בהא כ'טא א"ב וב"ג לאן כ'ט א"ב מסאו לכ'ט ב"ה וסטח א"ה הו אלמרבע אלכאין מן כ'ט א"ב פאלסטח אלקאים אלזואיה אלדי יחיט בהא כ'טי ב"א וא"ג מע אלסטח אלקאים אלזואיה אלד'י יחיט בהא כ'טא א"ב וב"ג מסאויאן ללמרבע אלכאין מן כ'ט א"ב
|-
|
|style="text-align:right;"|פאד'א קסם כ'ט מסתקים כיף מא אתפק פאן אלסטח אלקאים אלזואיה אלד'י יחיט בהא אלכ'ט כלה וכל ואחד מן אקסאמהא מסאו לאלמרבע אלכאין מן אלכ'ט כלה
|-
|
|style="text-align:right;"|ופי נסכ'ה אלחגאג יקול כל כ'ט יקסם אקסאמא פאן אלד'י יכון מן צ'רב אלכ'ט פי גמיע אקסאמה מתל אלדי יכון מן צ'רב כלה פי נפסה
|-
|
=== Proposition 3 ===

|style="text-align:right;"|אד'א קסם כ'ט מסתקים בקסמין כיף מא אתפק פאן אלסטח אלקאים אלזואיה אלדי יחיט בה אלכ'ט כלה ואחד קסמיה מסאו ללסטח אלקאים אלזואיה אלד'י יחיט בהא אלקסמאן ואלמרבע אלכאין מן אלקסם אלדי ד'כרנא
|-
|
|style="text-align:right;"|פליכון כ'ט מסתקים עליה א"ב וליקסם בקסמין כיף מא אתפק עלי נקטה אלג' פאקול אן אלסטח אלקאים אלזואיה אלדי יחיט בהא כ'טא א"ב וג"ב מסאו ללסטח אלקאים אלזואיה אלד'י יחיט בה כ'טא א"ג וג"ב ואלמרבע אלכאין מן כ'ט ג"ב
|-
|
|style="text-align:right;"|פנעמל מן כ'ט ג"ב מרבעא עליה ב'ג'ד'ה' ונתמם סטח ג'א'ז'ד' אלמתואזי אלאצ'לאע פכל ואחד מן סטחי א"ד ג"ה מתואזי אלאצ'לאע פסטח א"ה מסאו לסטחי א"ד וג"ה אלמד'כורין וסטח א"ה מסאו לסטח אלקאים אלזואיה אלד'י יחיט בה כטי א"ב וב"ג לאן כ'ט ב"ג מסאו לכ'ט ג"ה וסטח ג"ה הו אלמרבע אלכאין מן כט ג"ב וסטח א"ד מסאו ללסטח אלקאים אלזואיה אלד'י יחיט בה כ'טא א"ג וג"ב לאן כ'ט ב"ג מסאו לכט ג"ד פאלסטח אלקאים אלזואיה אלדי יחיט בה כ'טא א"ב וב"ג מסאו ללסטח אלקאים אלזואיה אלדי יחיט בה כטא א"ג וג"ב מע אלמרבע אלכאין מן כ'ט ג"ב
|-
|
|style="text-align:right;"|פאד'א קסם כט מסתקים בקסמין כיף מא אתפק פאן אלסטח אלקאים אלזואיה אלדי יחיט בה אלכ'ט כלה ואחד קסמיה מסאו ללסטח אלקאים אלזואיה אלדי יחיט בה אלקסמין ואלמרבע אלכאין מן אלקסם אלדי דכרנא
|-
|
|style="text-align:right;"|ופי נסכ'ה אלחגאג כל כט יקסם בקסמין פאן אלדי יכון מן צ'רב גמיע אלכ'ט פי אחד אלקסמין מתל אלדי יכון מן צ'רב אחד אלקסמין פי אלאכר ומן צ'רב אלקסם אלדי צ'רב פיה פי נפסה
|-
|
=== Proposition 4 ===

|style="text-align:right;"|אדא קסם כ'ט מסתקים בקסמין כיף מא אתפק פאן אלמרבע אלכאין מן אלכט כלה מסאו ללמרבעין אלכאינין מן אלקסמין וצ'עף אלסטח אלקאים אלזואיה אלדי יחיט בה אלקסמאן
|-
|
|style="text-align:right;"|פליכון כ'ט מסתקים עליה א"ב וליקסם בקסמין כיף מא אתפק עלי נקטה אלג' פאקול אן אלמרבע אלכאין מן כ'ט א"ב מסאו ללמרבעין אלכאינין מן כ'טי א"ג וג"ב מע צ'עף אלסטח אלקאים אלזואיה אלדי יחיט בהא כ'טא א"ג וג"ב
|-
|
|style="text-align:right;"|פלנעמל מן כ'ט א"ב מרבעא א'ד'ה'ב' ונצל אלד' באלב' ונכרג מן נקטה אלג' כ'טא מואזיה לכט א"ד וה"ב והו כ'ט ג'ח'ז'
|-
|
|style="text-align:right;"|ונכרג מן נקטה אלח' כ'טא מואזיה לכטי א"ב וד"ה והו כ'ט ט'ח'כ'
|-
|
|style="text-align:right;"|פלאן כ'ט ג"ז מואז לכ'ט א"ד וקד וקע עליהמא כ'ט ב"ד אלמסתקים תכון זאויה ג'ח'ב' אלכ'ארגה מסאויה לזאויה א'ד'ב' אלדאכ'לה אלתי תקאבלהא
|-
|
|style="text-align:right;"|ולכן זאויה א'ד'ב' מסאויה לזאויה ד'ב'א' לאן צ'לע ד"א מסאו לצ'לע א"ב פזאויה ג'ח'ב' מסאויה לזאויה א'ב'ד' פיכון צ'לע ג"ח מסאויה לצ'לע ג"ב
|-
|
|style="text-align:right;"|ולכן צ'לע ג"ח מסאויה לצ'לע ב"כ וצ'לע ב"ג מסאו לצ'לע ח"כ פכ'טוט ב"ג וג"ח וח"כ וכ"ב אלארבעה מסאו בעצ'הא לבעץ' פסטח ג"כ מ[ת]סאוי אלאצ'לאע
|-
|
|style="text-align:right;"|ואקול איצ'א אנה קאים אלזואיה
|-
|
|style="text-align:right;"|פלאן כ'ט ג"ח מואז לכט ב"כ וקד וקע עליהמא כ'ט ג"ב תכון זאויתא ג'ב'כ' ח'ג'ב' מסאויתין לקאימתין וזאויה כ'ב'ג' קאימה פזאויה ב'ג'ח' קאימה ויכון לדלך זאויתא ג'ח'כ' וח'כ'ב' אלמתקאבלתאן להמא קאימתין פסטח ג'ח'כ'ב' קאים אלזואיה וקד כאן תבין אנה מתסאוי אלאצ'לאע פסטח ח"ב מרבע והו אלכאין מן כט ג"ב
|-
|
|style="text-align:right;"|וכד'לך יתבין אן סטח ט"ז מרבע והו איצ'א אלכאין מן כ'ט ט"ח אלדי הו מסאו לכ'ט א"ג
|-
|
|style="text-align:right;"|פסטחי ט"ז וג"כ מרבעאן והמא אלמרבעאן אלכאינאן מן כ'טי א"ג וג"ב
|-
|
|style="text-align:right;"|ולאן סטח א"ח אלמתמם מסאו לסטח כ"ז אלמתמם פסטחי א"ח וז"כ מסאויאן לצ'עף אלסטח אלקאים אלזואיה אלד'י יחיט בהא כ'טא א"ג וג"ב וקד תבין אן סטח ט"ז וסטח ח"ב מסאויאן ללמרבעין אלכאינין מן כ'טי א"ג וג"ב
|-
|
|style="text-align:right;"|פסטוח ט"ז וב"ח וא"ח וח"ה מסאויה ללמרבעין אלכאינין מן כ'טי א"ב וג"ב מע צ'עף אלסטח אלקאים אלזואיה אלדי יחיט בה כ'טא א"ג וג"ב
|-
|
|style="text-align:right;"|ולכן סטוח ט"ז וג"כ וא"ח וח"ה מתסאויה לסטח א'ד'ה'ב' כלה אלדי הו אלמרבע אלכאין מן כ'ט א"ב
|-
|
|style="text-align:right;"|פאלמרבע אלכאין מן כ'ט א"ב מסאו ללמרבעין אלכאינין מן כ'טי א"ג וג"ב מע צ'עף אלסטח אלקאים אלזואיה אלדי יחיט בה כ'טא א"ג וג"ב
|-
|
|style="text-align:right;"|פאד'א קסם כ'ט מסתקים כיף מא אתפק פאן אלמרבע אלכאין מן אלכ'ט כלה מסאו ללמרבעין אלכאינין מן אלקסמין וצ'עף אלסטח אלקאים אלזואיה אלדי תחיט בה אלקסמאן
|-
|
|style="text-align:right;"|והנאלך אסתבאן אן כל סטח מרבע פאן אלסטחין אלמתואזיי אלאצ'לאע אלד'ין עלי קטרה איצ'א מרבעאן
|-
|
|style="text-align:right;"|פקד תבין מן הד'ה אלשכל אן אלסטוח אלמתואזיה אלאצ'לאע אלתי תכון עלי אקאטר סטוח מרבעא הי איצ'א מרבעא ודלך מא ארדנא אן נבין
|-
|
|style="text-align:right;"|קאל תאבת בן כרה וגדנא פי נסכ'ה אכרי אן יתבין עלי וגה אכ'ר אן אלמרבע אלכאין מן כ'ט א"ב מסאו ללמרבעין אלכאינין מן כ'טי א"ג וג"ב וצ'עף אלסטח אלקאים אלזואיה אלתי תחיט בהא כ'טא <sup>א"ג</sup> וג"ב
|-
|
|style="text-align:right;"|פלאן כ'ט א"ב מסאו לכ'ט א"ד תכון זאויה א'ב'ד' מסאויה לזאויה א'ד'ב'
|-
|
|style="text-align:right;"|ולכן כל מתלת פאן זואיאה אלתלאוית מסאויה לזאויתין קאימתין תכון זאויא א'ד'ב' וד'ב'א' וב'א'ד' אלתלאת מן מתלת א'ד'ב' מסאויה לזאויתין קאימתין
|-
|
|style="text-align:right;"|וזאויה ב'א'ד' מנהא <s>נצף</s> קאימה פזאויתי א'ד'ב' ו'א'ב'ד' אלבאקיתין מסאויתין לזאויה קאימה והמא מתסאויתאן פכל ואחדה מנהמא נצף קאימה
|-
|
|style="text-align:right;"|וזאויה ב'ג'ח' קאימה לאנהא מסאויה ללזאויה אלתי ענד אלא' אלתי תקאבלהא
|-
|
|style="text-align:right;"|פזאויה ג'ח'ב' אלבאקיה נצף קאימה פזאויה ג'ח'ב' אד'ן מסאויה לזאויה ג'ב'ח'
|-
|
|style="text-align:right;"|פיכון אד'א צ'לע ב'ג' מסאויה לצ'לע ג"ח
|-
|
|style="text-align:right;"|ולכן צ'לע ב"ג מסאוי לצ'לע ח"כ וצ'לע ג"ח מסאו לצ'לע ב"כ פסטח ג"כ מתסאוי אלאצ'לאע
|-
|
|style="text-align:right;"|וזאויה ג'ב'כ' מנה קאימה פסטח ג"כ מרבע והו אלכאין מן כ'ט ג"ב
|-
|
|style="text-align:right;"|ולהדה אלאשיא יתבין אן סטח ט"ז איצ'א מרבע והו מסאו ללמרבע אלכאין מן כ'ט א"ג
|-
|
|style="text-align:right;"|פסטחי ג"כ וט"ז מרבעאן והמא מסאויאן ללמרבעין אלכאינין מן כטי א"ג וג"ב
|-
|
|style="text-align:right;"|ולאן סטח א"ח מסאו לסטח ח"ה וסטח א"ח הו סטח אלד'י יחיט בהא כ'טא א"ג וג"ב לאן כ'ט ג"ח מסאו לכ'ט ג"ב פסטח ח"ה מסאו ללסטח אלקאים אלזואיה אלדי יחיט בהא כ'טא א"ג וג"ב
|-
|
|style="text-align:right;"|פסטחא א"ח וח"ה מסאויאן לצ'עף אלסטח אלקאים אלזואיה אלדי יחיט בהא כטא א"ג וג"ב וסטחא ג"כ וט"ז מסאויאן ללמרבעין אלכאינין מן כ'טי א"ג וג"ב
|-
|
|style="text-align:right;"|פסטוח ג"כ וט"ז וא"ח וח"ה אלארבעה מסאויה ללמרבעין אלכאינין מן כ'טי א"ג וג"ב וצ'עף אלסטח אלקאים אלזואיה אלד'י יחיט בהא כ'טא א"ג וג"ב
|-
|
|style="text-align:right;"|ולכן סטחא ג"כ וט"ז וסטחא א"ח וח"ה הי סטחא א"ה כלה אלקאים אלזואיה אלד'י הו אלמרבע אלכאין מן כ'ט א"ב
|-
|
|style="text-align:right;"|פאלמרבע אלכאין מן כ'ט א"ב מסאו ללמרבעין אלכאינין מן כ'טי א"ג וג"ב מע צ'עף אלסטח אלקאים אלזואיה אלתי תחיט בהא כ'טא א"ג וג"ב ודלך מא ארדנא אן נבין
|-
|
|style="text-align:right;"|ופי נסכ'ה אלחגאג יקול כל כט יקסם בקסמין פאן אלד'י יכון מן צ'רב גמיע אלכט כלה פי נפסה מתל אלד'י יכון מן צ'רב כל קסם פי נפסה ומן צ'רב אחד אלקסמין פי אלאכ'ר מרתין
|-
|
|style="text-align:right;"|וקאל איצ'א והנאלך אסתבאן אן אלסטחין אלד'ין יכונאן פי סטח מרבע ויקטעה<sup>מ</sup>א אלקטר מרבעאן
|-
|
=== Proposition 5 ===

|style="text-align:right;"|אד'א קסם כ'ט מסתקים בקסמין מתסאויין וקסמין ג'יר מתסאויין פאן אלסטח אלקאים אלזואיה אלד'י יחיט בה<s>א</s> קסמא אלכ'ט כלה אלד'אן ליסא מתסאויין מע אלמרבע אלכאין מן אלכ'ט אלד'י פי מא בין מוצ'ועי אלקסמין מסאו ללמרבע אלכאין מן נצף אלכ'ט
|-
|
|style="text-align:right;"|פליכון כ'ט מסתקים עליה א"ב וליקסם בקסמין מתסאויין עלי נקטה אלג' וקסמין ג'יר מתסאויין עלי נקטה אלד' פאקול אן אלסטח אלקאים אלזואיה אלתי יחיט בה<s>א</s> כ'טא א"ד וד"ב מע אלמרבע אלכאין מן כט ג"ד מסאו ללמרבע אלכאין מן כ'ט ג"ב אלד'י הו נצף אלכ'ט
|-
|
|style="text-align:right;"|פנעמל מן כ'ט ג"ב מרבעא והו מרבע ג'ה'ז'ב' ונרסם אלשכל ונתמם סטח א'ט'ל'ג' אלמתואזי אלאצ'לאע
|-
|
|style="text-align:right;"|פלאן סטח ג"ח מסאו לסטח ח"ז ונגעל סטח ד"כ משתרכה יכון סטח ג"כ כלה מסאו לסטח ד"ז כלה
|-
|
|style="text-align:right;"|ולאן צ'לע א"ג מסאו לצ'לע ג"ב לאנה נצף אלכט יכון סטח א"ל מסאויה לסטח ג"כ
|-
|
|style="text-align:right;"|וקד כאן סטח ג"כ מסאויה לסטח ד"ז פיכון סטח א"ל מסאויה לסטח ד"ז פנגעל איצ'א סטח ג"ח משתרכה פסטח א"ח כלה מסאו לעלם אלמ' ואלנ' ואלס'
|-
|
|style="text-align:right;"|ולכן סטח א"ח מסאו ללסטח אלקאים אלזואיה אלד'י יחיט בה<s>א</s> כ'טא א"ד וד"ב לאן כ'ט ב"ד מסאו לכ'ט ד"ח ודלך לאן סטח ד"כ מרבע פעלם מ'ס'ח' מסאו ללסטח אלקאים אלזואיה אלתי תחיט בה<s>א</s> כ'טא א"ד וד"ב ונגעל סטח ל"ע משתרך אלדי הו מסאו ללמרבע אלכאין מן כ'ט ג"ד
|-
|
|style="text-align:right;"|פיכון עלם מ'ס'נ'ח' וסטח ל"ע מסאויאן ללסטח אלקאים אלזואיה אלתי יחיט בה<s>א</s> כ'טא א"ד וד"ב מע אלמרבע אלכאין מן כ'ט ג"ד
|-
|
|style="text-align:right;"|ולכן עלם מ'נ'ס' וסטח ל"ע המא סטח ג"ז כלה והוא אלמרבע אלכאין מן כ'ט ג"ב פאלסטח אלקאים אלזואיה אלד'י יחיט בה כ'טא א"ד וד"ב מע אלמרבע אלכאין מן כ'ט ג"ד מסאו ללמרבע אלכאין מן כ'ט ג"ב
|-
|
|style="text-align:right;"|פאד'א קסם כ'ט מסתקים בקסמין מתסאויין וקסמין ג'יר מתסאויין פאן אלסטח אלקאים אלזואיה אלד'י יחיט בה<s>א</s> קסמא אלכ'ט כלה אלד'אן ליסא מתסאויאן מע אלמרבע אלכאין מן אלכ'ט אלדי פי מא בין מוצ'ועי אלקסמה מסאו ללמרבע אלכאין מן נצף אלכ'ט ודלך מא ארדנא אן נבין
|-
|
|style="text-align:right;"|ופי נסכ'ה אלחגאג יקול כל כ'ט קסם בנצפין תם איצ'א בקסמין מכ'תלפין פאן אלדי יכון מן צ'רב אלקסם אלאטול פי אלקסם אלאצג'ר ומן צ'רב פצ'ל נצף אלכ'ט עלי אלקסם אלאצג'ר פי נפסה הו מתל אלד'י יכון מן צ'רב נצף אלכ'ט פי נפסה
|-
|
=== Proposition 6 ===

|style="text-align:right;"|אד'א קסם כ'ט מסתקים בנצפין וזיד עליה כ'ט מסתקים עלי אסתקאמה פאן אלסטח אלקאים אלזואיה אלד'י יחיט בה<s>א</s> אלכ'ט כלה מע אלזיאדה ואלזיאדה מע אלמרבע אלכאין מן נצף אלכ'ט מסאו ללמרבע אלכאין מן <sup>אל</sup>כ'ט אלמרכב מן נצף אלכ'ט ואלזיאדה
|-
|
|style="text-align:right;"|פליכון כ'ט מסתקים עליה א"ב וליקסם בנצפין עלי נקטה אלג וליזד עליה כ'ט מסתקים והו כ'ט ב"ד פאקול אן אלסטח אלקאים אלזואיה אלד'י יחיט בה<s>א</s> כ'טא א"ד וד"ב מע אלמרבע אלכאין מן כ'ט ג"ב מסאו ללמרבע אלכאין מן כ'ט ג"ד
|-
|
|style="text-align:right;"|פנעמל מן כ'ט ג"ד מרבע ג'ה'ז'ד' ונרסם אלשכל ונתמם סטח ג'א'ט'כ' אלמתואזי אלאצ'לאע
|-
|
|style="text-align:right;"|פלאן כ'ט א"ג מסאו לכט ג"ב יכון סטח א"כ אלמתואזי אלאצ'לאע מסאויה לסטח ג"ח אלמתואזי אלאצ'לאע
|-
|
|style="text-align:right;"|ולכן סטח ג"ח מסאו לסטח ח"ז פסטח א"כ מסאו לסטח ח"ז
|-
|
|style="text-align:right;"|ונגעל סטח ג"ל משתרכא פסטח א"ל כלה מסאו לעלם מ'ס'נ' כלה
|-
|
|style="text-align:right;"|ולכן אלסטח אלקאים אלזואיה אלדי יחיט בה<s>א</s> כ'טא א"ד וד"ב מסאו לסטח א"ל אלקאים אלזואיה אלמסאוי ללעלם לאן כ'ט ב"ד מסאו לכ'ט ד"ל פעלם מ'נ'ס' מסאו ללסטח אלדי יחיט בה<s>א</s> כ'טא א"ד וד"ב וסטח כ"ע מסאו ללמרבע אלכאין מן כ'ט ג"ב פעלם מ'נ'ס' מע סטח כ"ע מסאו ללסטח אלקאים אלזואיה אלדי יחיט בה<s>א</s> כ'טא א"ד וד"ב מע אלמרבע אלכאין מן כ'ט ב"ג
|-
|
|style="text-align:right;"|ולכן עלם מ'נ'ס' ומרבע כ"ע הו סטח ג"ז כלה אלד'י הו אלמרבע אלכאין מן כ'ט ג"ד פאל<s>מרבע</s><sup>סטח</sup> אלקאים אלזואיה אלד'י יחיט בה<s>א</s> כ'טא א"ד וד"ב מע אלמרבע אלכאין מן כ'ט ב"ג מסאו ללמרבע אלכאין מן כ'ט ג"ד
|-
|
|style="text-align:right;"|פאד'א קסם כ'ט מסתקים בנצפין וזיד עליהא כ'ט מסתקים עלי אסתקאמה פאן אלסטח אלקאים אלזואיה אלד'י יחיט בה<s>א</s> אלכ'ט כלה מע אלזיאדה ואלזיאדה מע אלמרבע אלכאין מן נצף אלכ'ט מסאו ללמרבע אלכאין מן אלכ'ט אלמרכב מן נצף אלכ'ט ואלזיאדה
|-
|
|style="text-align:right;"|ופי נסכ'ה אלחגאג יקול כל כ'ט קסם בנצפין וזיד עליה פאן אלדי יכון מן צ'רב מגמוע אל[כ'ט] פי אלזיאדה ומן צ'רב נצף אלכ'ט פאן הו מתל מא יכון מן צ'רב מגמוע [אלנצף] ואלזיאדה פי נפסה
|-
|

=== Proposition 7 ===

|style="text-align:right;"|אד'א קסם כ'ט מסתקים בקסמין כיף מא אתפק פאן אלמרבע אלכאין מן אלכ'ט כלה ואלמרבע אלכאין מן אחד קסמיה אד'א גמעא [מסאוין] לצ'עף אלסטח אלקאים אלזואיה אלד'י יחיט בה<s>א</s> אלכ'ט כלה <s>אלדי</s> מע אלקסם אלדי דכרנא ואלמרבע אלכאין מן אלקסם אלבאקי
|-
|
|style="text-align:right;"|פליכון כ'ט מסתקים עליה א"ב
וליקסם כיף מא אתפק עלי נקטה אלג'
פאקול אן אלמרבעין אלכאינין מן כ'טי א"ב וב"ג אדא גמעא
כאנא מסאויין לצ'עף אלסטח אלקאים אלזואיה אלד'י יחיט בה כטא א"ב וב"ג
ואלמרבע אלכאין מן כ'ט א"ג
פנרסם כ'ט א"ב מרבע א'ד'ה'ב'
ונפצל מן כ'ט ב"ה מתל כ'ט ב"ג והו כ'ט ב"כ
ונרסם אלשכל
פסטח א"ז מסאו לסטח ז"ה לאנהמא אלמתממאן
ונגעל סטח ג"כ משתרכה
פיכון סטח א"כ כלה מסאויה לסטח ג"ה כלה
פסטחי א"כ וג"ה צ'עף סטח א"כ
ולכן גמיע סטח א"כ מע סטח ג"ה עלם ל'מ'נ' ומרבע ג"כ
פעלם ל'מ'נ' ומרבע ג"כ המא צ'עף סטח א"כ
וסטח א"כ מסאו ללסטח אלקאים אלזואיה אלד'י יחיט בה כ'טא א"ב וב"ג
לאנה יחיט בה כ'טא א"ב וב"כ
וכ'ט ב"כ מסאו לכ'ט ב"ג
פעלם ל'מ'נ' ומרבע ג"כ מסאויאן לצ'עף אלסטח אלקאים אלזואיה אלדי יחיט בהא כ'טא א"ב וב"ג
ונגעל אלמרבע אלכאין מן כ'ט א"ג משתרכה והו מרבע ט"ח
פצ'עף אלסטח אלקאים אלזואיה אלד'י יחיט בה(א) כ'טא א"ב וב"ג מע אלמרבע אלכאין מן כ'ט א"ג מסאו לעלם ל'מ'נ' וסטחי ג"כ וט"ח
לכן עלם ל'מ'נ' וסטחי ג"כ וט"ח הו מרבע א"ה ומרבע ג"כ ומרבע א"ה הו אלמרבע אלכאין מן כ'ט א"ב ומרבע ג"כ הו אלמרבע אלכאין מן כ'ט ג"ב
פאלמרבעין אלכאינין מן כטי א"ב וב"ג מסאויאן לצ'עף אלסטח אלקאים אלזואיה אלדי יחיט בה כטא א"ב וב"ג ואלמרבע אלכאין מן כ'ט א"ג

פאדא קסם כ'ט מסתקים בקסמין כיף מא אתפק פאן אלמרבע אלכאין מן אלכ'ט כלה ואלמרבע אלכאין מן אחד קסמיה אד'א גמעא כאנא מסאויאן לצ'עף אלסטח אלקאים אלזואיה אלדי יחיט בה(א) אלכ'ט כלה ואלקסם אלד'י דכרנא מע אלמרבע אלכאין מן אלקסם אלבאקי
ופי נסכ'ה אלחגאג יקול כל כ'ט יקסם בקסמין פאן אלדי יכון מן צ'רב אלכ'ט פי נפסה וצ'רב אחד אלקסמין פי נפסה מגמועין מתל אלד'י יכון מן צ'רב אלכט פי אלקסם אלד'י צ'רב פי נפסה מרתין ומע צ'רב אלקסם אלאכ'ר פי נפסה
אד'א קסם כ'ט מסתקים בקסמין כיף מא אתפק
פאן ארבעה אמתאל אלסטח אלקאים אלזואיה אלד'י יחיט בה אלכ'ט כלה ואחד קסמיה
מע אלמרבע אלכאין מן אלקסם אלבאקי
מסאו ללמרבע אלכאין מן אלכ'ט כלה ואלקסם אלדי תקדם דכרה אד'א גמלא בכ'ט ואחד

פליכון כט מסתקים עליה א"ב וליקסם כיף מא אתפק עלי נקטה אלג' פאקול אן ארבעה אמתאל אלסטח אלקאים אלזואיה אלד'י יחיט בה כ'טא א"ב וב"ג מע אלמרבע אלכאין מן כ'ט א"ג מסאו ללמרבע אלכאין מן כ'ט א"ב וב"ג אד'א גמלא בכ'ט ואחד
פלנכ'רג כ'ט א"ב עלי אסתקאמה אלי נקטה אלד' וליכון איצ'א כ'ט ב"ד מסאויה לכ'ט ב"ג
פנעמל מן כ'ט א"ד מרבעא והו מרבע א'ד'ה'ז'
ולנצל נקטה אלד' באלז' ולנכ'רג מן נקטתי אלג' ואלב' כ'טאן מואזיאן לכ'טי א"ז וד"ה והמא כ'טא ג"ח וב"ט
ומן נקטתי אלכ' ואלק' כטין מואזיין לכ'טי א"ד וז"ה והמא כ'טא מ"נ וס"ל
פלאן כ'ט ב"ג מסאו לכט ב"ד וכ'ט ב"ג מסאו לכל ואחד מן כ'טי פ"כ וק"ע וכ'ט ב"ד איצ'א מסאו לכל ואחד מן כ'טי כ"ג וע"ל יכון כ'ט נ"כ מסאויה לכל ואחד מן כ'טוט כ"פ וע"ק וע"ל
פסטח כ"ג אלמתואזי אלאצ'לאע מסאו לסטח ב"נ אלמתואזי אלאצ'לאע וסטח פ"ע אלמתואזי אלאצ'לאע מסאו לסטח כ"ל אלמתואזי אלאצ'לאע וסטח ק"ט איצ'א מסאו לסטח ע"ה
ואן סטח ג"כ אלמתואזי אלאצ'לאע מסאו לסטח ב"נ אלמתואזי אלאצ'לאע וסטח פ"ע מסאו לסטח כ"ל ואן סטחי ג"כ וכ"ל מסאויאן לאנהמא מתממאן יכון סטח ב"נ מסאויה לסטח פ"ע
פסטוח ג"כ וב"נ ופ"ע וכ"ל אלארבעה ארבעה אמתאל סטח ג"כ
ולכן סטוח ג"כ וב"נ ופ"ע וכ"ל הו גמיע סטח ג"ל אלדי הו ארבעה אמתאל סטח ג"כ
ולאן כט ג"ב איצא מסאו לכט ב"ד
וכ'ט ג"ב מסאו לכ'ט פ"כ אלדי יקאבלה(א) והו איצ'א מסאו לכ'ט פ"ק לאן סטח פ"ע מרבע
וכ'ט ב"ד מסאו לכ'ט ב"כ לאן סטח ב"נ מרבע
והו איצ'א מסאו לכ'ט פ"ג אלדי יקאבלה(א) פיכון כ'ט פ"ג מסאויה לכ'ט פ"ק
פסטח א"פ מסאויה לסט[ח] מ"ק
וסטח ק"ט מסאו לסט[ח] ע"ה
וסטח א"ק מתל סטח ק"ה לאנהמא מתממאן
ולכן סטח מ"ק מסאו לסטח ק"ט לאנהם איצ'א מתממאן
פסטח א"פ מסאו לסטח ע"ה
פסטח א"פ ומ"ק וק"ט וע"ה אלארבעה הי ארבעה אמתאל סטח א"פ
וסטח ג"ל אלמתואזי אלאצ'לאע קד כאן ארבעה אמתאל סטח ג"כ
פגמיע עלם ש'ת'ת' ארבעה אמתאל סטח א"כ
וסטח א"כ הו אלסטח אלקאים אלזואיה אלדי יחיט בה כ'טא א"ב וב"כ וב"כ הו מסאו לכ'ט ב"ג והו איצ'א מסאו לכט ב"ד
פעלם ש'ת'ת' ארבעה אמתאל אלסטח אלקאים אלזואיה אלדי יחיט בהא כ'טא א"ב וב"ג פארבע אמתאל אלסטח אלקאים אלזואיה אלד'י יחיט בה כ'טא א"ב וב"ג מסאו לעלם ש'ת'ת'
ולנגעל אלמרבע אלקאים אלזואיה מן כ'ט א"ג משתרכה והו מרבע ס"ח
פארבעה אמתאל אלסטח אלקאים אלזואיה אלדי יחיט בה כ'טא א"ב וב"ג מע אלמרבע אלכאין מן כ'ט א"ג מסאו לעלם שתת מע מרבע ס"ח
ולכן עלם ש'ת'ת' ומרבע ס"ח המא גמיעא מתל סטח ד"ז אלדי הו אלמרבע אלכאין מן כ'ט א"ד
פארבעה אמתאל אלסטח אלקאים אלזואיה אלדי יחיט בה כ'טא א"ב וב"ג מע אלמרבע אלכאין מן כ'ט א"ג מסאו ללמרבע אלכאין מן כ'ט א"ב וב"ג אד'א געלנאה כ'ט ואחד

פאד'א קסם כ'ט מסתקים בקסמין כיף מא אתפק פאן ארבעה אמתאל אלסטח אלקאים אלזואיה אלדי יחיט בה אלכ'ט כלה ואחד קסמיה מע אלמרבע אלכאין מן אלקסם אלבאקי מסאו ללמרבע אלכאין מן אלכט כלה ואלקסם אלדי תקדם דכרה אד'א געלנאה כ'ט ואחד
ופי נסכ'ה אלחגאג יקול כל כ'ט יקסם בקסמין תם יזאד פי טול אלכ'ט מתל אחד אלקסמין פאן אלדי יכון מן צ'רב גמיע דלך פי נפסה מתל אלדי יכון מן צ'רב אלכ'ט אלאול פי אלקסם אלמזיד ארבעה מראת וצ'רב אלקסם אלאכ'ר פי נפסה ודלך מא ארדנא אן נבין
אד'א קסם כ'ט מסתקים בקסמין מתסאויין וקסמין ג'יר מתסאויין פאן אלמרבעאן אלכאינאן מן קסמי אלכ'ט כלה אלדין ליסא במתסאויין המא צ'עף אלמרבעין אלכאינין מן נצף אלכ'ט כלה ומן אלכ'ט אלדי פימא בין מוצ'ועין אלקסמין

פליכון כ'ט מסתקים עליה א"ב
וליקסם בקסמין מתסאויין עלי נקטה אלג'
וקסמין ג'יר מתסאויין עלי נקטה אלד'
פאקול אן אלמרבעין אלכאינין מן כ'טי א"ד וד"ב
המא צ'עף אלמרבעין אלכאינין מן כ'טי א"ג וג"ד
פלנכ'רג מן נקטה אלג' מן כט א"ב אלמסתקים כ'טא מסתקימה עלי זאויה קאימה והו כ'ט ג"ה
ולנגעל כ'ט ג"ה מסאויה לכל ואחד מן כ'טי א"ג וג"ב
ולנצל כטי ה"א וה"ב
ולנכרג מן נקטה אלד' כ'טא מסתקימה עלי זאויה קאימה והו כ'ט ז"ד
ולנכ'רג מן נקטה אלז' כ'טא מואזיה לכ'ט ד"ג והו כ'ט ז"ח
ולנצל אלז' באלא'
פלאן כ'ט ה"ג מסאו לכ'ט ג"א
תכון זאויתא ג'א'ה' מתסאויה לזאויה ג'ה'א'
ולאן זאויה א'ג'ה' קאימה
תכון זאויתא ה'א'ג' וא'ה'ג' אלבאקיתאן
מסאויתין לזאויה קאימה והמא מסאויתאן
פכל ואחדה מן זאויתי ג'ה'א' וג'ע'ה' נצף קאימה
ולאן כט ה'ג' איצ'א מסאו לכ'ט ג"ב
תכון זאויה ג'ה'ב' מסאויה לזאויה ג'ב'ה'
וזאויה ב'ג'ה' קאימה
פכל ואחדה מן זאויתי ג'ב'ה' וג'ה'ב' נצף קאימה
ולאן כל ואחדה מן זאויתי ג'ה'ב' וא'ה'ג' נצף קאימה
תכון זאויה א'ה'ז' קאימה
ולאן זאויה ג'ב'ה' נצף קאימה
וזאויה ז'ד'ב' קאימה
תכון זאויה ד'ז'ב' נצף קאימה
פכ'ט ב"ד מסאו לכ'ט ד"ז
וכדלך איצ'א יכון כ'ט ז"ח מסאויה לכ'ט ח"ה
ולאן כ'ט ה"ג מסאו לכט ג"א
יכון אלמרבע אלכאין מן כ'ט ה"ג מסאו (לכט ג"א יכון אלמרבע אלכאין מן כ'א ה"ג מסאויה) ללמרבע אלכאין מן כ'ט ג"א
פאלמרבעאן אלכאינאן מן כטי ה"ג וג"א המא צ'עף אלמרבע אלכאין מן כ'ט ג"א
ואלמרבע אלכאין מן כ'ט א"ה מסאו ללמרבעין אלכאינין מן כ'טי ה"ג וג"א
לאן זאויה ה'ג'א' קאימה
פאלמרבע אלכאין מן כ'ט א"ה הו צ'עף אלמרבע אלכאין מן כ'ט א"ג
ולאן כ'ט ה"ח מסאו לכ'ט ז"ח
יכון אלמרבע אלכאין מן כ'ט ה"ח מסאויה ללמרבע אלכאין מן כ'ט ז"ח 
פאלמרבעאן אלכאינאן מן כ'טי ז"ח וה"ח המא צ'עף אלמרבע אלכאין מן כ'ט
ז"ה
והו צ'עף אלמרבע אלכאין מן כ'ט ח"ז
וכ'ט ח"ז מסאו לכ'ט ג"ד
פאלמרבע אלכאין מן כ'ט ה"ז צ'עף אלמרבע אלכאין מן כט ג"ד
וקד תבין איצ'א אן אלמרבע אלכאין מן כ'ט א"ה הו צ'עף אלמרבע אלכאין מן כ'ט א"ג
פאלמרבעאן אלכאינאן מן כ'טי ז"ה וה"א המא צ'עף אלמרבעאן אלכאינאן מן כ'טי א"ג וג"ד
ואלמרבע אלכאין מן כ'ט א"ז מסאו ללמרבעין אלכאינין מן כ'טי ז"ה וה"א לאן זאויה א'ה'ז' קאימה
(פאלמרבע אלכאין מן כ'ט א"ז צ'עף אלמרבעין אלכאינין מן כ'טי ז"ה וה"א לאן זאויה א'ה'ז' קאימה) פאלמרבע אלכאין מן כ'ט א"ז צ'עף אלמרבעין אלכאינין מן כ'טי א"ג וג"ד
ואלמרבע אלכאין מן כ'ט א"ז מסאו ללמרבעין אלכאינין מן כטי א"ד וד"ז לאן זאויה א'ד'ז' קאימה
פאלמרבעין אלכאינאן מן כ'טי א"ד וד"ז צ'עף אלמרבעין אלכאינין מן כטי א"ג וג"ד
וכ'ט ד"ז מסאו לכ'ט ד"ב פאלמרבעין אלכאינין מן כטי א"ד וד"ב צ'עף אלמרבעין אלכאינין מן כ'טי א"ג וג"ד

פאדא קסם כ'ט מסתקים בקסמין מתסאויין וקסמין ג'יר מתסאויין פאן אלמרבעין אלכאינין מן קסמי אלכ'ט כלה אלד'י ליסא במתסאויין המא צ'עף אלמרבעין אלכאינין מן נצף אלכ'ט כלה ומן אלכ'ט אלדי פי מא בין מוצ'ועי אלקסמין
ופי נסכ'ה אלחגאג יקול כל כ'ט יקסם בקסמין מתסאויין תם יקסם איצ'א בקסמין מכ'תלפין פאן אלד'י יכון מן צ'רב אלקסמין אלמכ'תלפין כל ואחד מנהמא פי נפסה מגמועין המא מתלא מא יכון מן צ'רב נצף אלכ'ט פי נפסה ומא יכון מן צ'רב [זיאדה] נצף אלכט עלי אלקסם אלאקצר פי נפסה גמיעא
אדא קסם כ'ט מסתקים בנצפין וזיד עליה כט מסתקים עלי אסתקאמה פאן אלמרבעין אלכאינין מן אלכט כלה מע אלזיאדה ואלמרבע אלכאין מן אלזיאדה המא צ'עף אלמרבעאן אלכאינאן מן נצף אלכ'ט ומן אלכט אלמרכב מן נצף אלכט ואלזיאדה

פליכון אלכט אלמסתקים כ'ט א"ב וליקסם בקסמין עלי נקטה אלג' וליזיד עליה כ'ט מסתקים עלי אסתקאמה והו כ'ט ב"ד
פאקול אן אלמרבעין אלכאינין מן כ'טי א"ד וד"ב מגמועין המא צ'עף אלמרבעין אלכאינין מן כ'טי א"ג וג"ד
פלנכרג מן נקטה אלג' כ'טא מסתקימה עלי זאויה קאימה והו כ'ט ג"ה ונגעלה מסאויה לכל ואחד מן כ'טי א"ג וג"ב
ולנצל אלא' באלה' [ואלה' באלב'] ואלב' באלד' ולנכ'רג מן נקטה אלד' כטא מסתקימה מואזיה לכ'ט ג"ה והו כ'ט ד"ז ומן נקטה אלה' כטא מסתקימה מואזיה לכט ג"ד והו כ'ט ה"ז
פלאן כ'ט ג"ה מואז לכ'ט ד"ז וקד וקע עליהמא כט ה"ז אלמסתקים תכון זאויה ג'ה'ז' וה'ז'ד' אלדאכ'לתאן מסאויתאן לקאימתאן
פזאויתא ב'ה'ז' וה'ז'ד' אצג'ר מן זאויתין קאימתין
ואלכטוט אלתי תכרג מן אקל מן זאויתין קאימתין אלי ג'יר נהאיה לא בד אן תלתקי
פכ'טא ה"ב וז"ד אד'א אכ'רגא אלי ג'יר נהאיה אלתקיא פליכרגא וילתקיא עלי נקטה אלח' ולנצל אלא' באלח'
פלאן כ'ט ה"ג מסאו לכ'ט ג"א תכון זאויה ג'ה'א' מסאויה לזאויה ג'א'ה'
וזאויה א'ג'ה' קאימה פכל ואחדה מן זאויתי ג'ה'א' וג'א'ה' נצף קאימה
ולאן כ'ט ה'ג' איצ'א מסאו לכט ג"ב תכון זאויה ג'ה'ב' מסאויה לזאויה ג'ב'ה'
וזאויה ב'ג'ה' קאימה פכל ואחדה מן זאויתי ג'ה'ב' וג'ב'ה' נצף קאימה
ולאן כל ואחדה מן זאויתי א'ה'ג' וב'ה'ג' נצף קאימה
תכון זאויה ד'ב'ח' איצ'א נצף קאימה
וזאויה ב'ד'ח' קאימה לאנהא מסאויה לזאויה ד'ג'ה' אלדי תבאדלהא לאן כ'ט ג"ה מואז לכט ד"ז וקד וקע עליהמא כ'ט ג"ד פאלמתבאדלתאן מתסאויתאן תכון זאויה ד'ג'ה' מסאויה לזאויה ב'ד'ח'
ואן שית קלת אן זאויה ב'ד'ח' אלכ'ארגה מסאויה לזאויה ה'ז'ד' אלדאכ'לה לאן כ'ט ג"ד מואז לכ'ט ה"ז וקד וקע עליהמא כ'ט ז"ד פזאויה ה'ז'ד' אלדאכ'לה מסאויה לזאויה ב'ד'ח' אלכ'ארגה
פתבקי זאויה ד'ח'ב' נצף קאימה
פזאויה ד'ח'ב' מסאויה לזאויה ד'ב'ח'
פיכון צ'לע ב"ד מסאו לצ'לע ח"ד
ולאן זאויה ה'ח'ז' איצ'א נצף קאימה ואלתי ענד אלז' קאימה לאנהא מסאויה ללתי תקאבלהא והי אלתי ענד אלג' תבקי זאויה ז'ה'ח' נצף קאימה
פתכון זאויה ה'ח'ז' מסאויה לזאויה ז'ה'ח'
פיכון לדלך צ'לע ח"ז מסאו לצ'לע ה"ז
ולאן כ'ט ה"ג מסאו לכ'ט ג"א יכון אלמרבע אלכאין מן כ'ט ה"ג מסאו ללמרבע אלכאין מן כ'ט ג"א
פאלמרבעין אלכאינין מן כ'טי ה"ג וג"א צ'עף אלמרבע אלכאין מן כ'ט ג"א
פאלמרבע אלכאין מן כ'ט ה"א מסאו ללמרבעין אלכאינין מן כטי ה"ג וג"א לאן זאויה ה'ג'א' קאימה
פאלמרבע אלכאין מן כ'ט ה"א צ'עף אלמרבע אלכאין מן כ'ט ג"א
ולאן כ'ט ה"ז איצ'א מסאו לכ'ט ז"ח יכון אלמרבע אלכאין מן כ'ט ה"ז מסאו ללמרבע אלכאין מן כ'ט ז"ח
פאלמרבעאן אלכאינאן מן כ'טי ז"ח וה"ז המא צ'עף אלמרבע אלכאין מן כ'ט ה"ז
ואלמרבעין אלכאינין מן כ'טי ח"ז וז"ה מסאויאן ללמרבע אלכאין מן כ'ט ה"ח
פאלמרבע אלכאין מן כ'ט ה"ח צ'עף אלמרבע אלכאין מן כ'ט ה"ז
וכ'ט ה"ז מסאו לכ'ט ג"ד פאלמרבע אלכאין מן כט ה"ח צ'עף אלמרבע אלכאין מן כ'ט ג"ד
וקד תבין קבל אן אלמרבע אלכאין מן כ'ט ה"א צ'עף אלמרבע אלכאין מן כ'ט א"ג פאלמרבעאן אלכאינאן מן כ'טי ה"ח וה"א צ'עף אלמרבעין אלכאינין מן כ'טי א"ג וג"ד
ואלמרבעאן אלכאינאן מן כ'טי ה"ח וה"א מסאויאן ללמרבע אלכאין מן כ'ט א"ח לאן זאויה א'ה'ח' קאימה
פאלמרבע אלכאין מן כ'ט א"ח צ'עף אלמרבעין אלכאינין מן כ'טי א"ג וג"ד
ואלמרבע אלכאין מן כ'ט א"ח מסאו ללמרבעין אלכאינין מן כ'טי א"ד וד"ח לאן זאויה א'ד'ח' קאימה
פאלמרבעאן אלכאינאן מן כ'טי א"ד וד"ח המא צ'עף אלמרבע אלכאינין מן כ'טי א"ג וג"ד
וכ'ט ח"ד מסאו לכ'ט ב"ג פאלמרבעאן אלכאינאן מן כ'טי א"ד וד"ב המא צ'עף אלמרבעין אלכאינין מן כ'טי א"ג וג"ד
פאד'א קסם כ'ט מסתקים בנצפין וזיד עליה פי טולה כט מסתקים עלי אסתקאמה פאן אלמרבע אלכאין מן אלכ'ט כלה מע אלזיאדה ואלמרבע אלכאין מן אלזיאדה המא צ'עף אלמרבעין אד'א גמיעא אעני אלמרבע מן נצף אלכט ואלמרבע אלכאין מן אלכט אלמרכב מן נצף אלכ'ט ואלזיאדה  ודלך מא ארדנא אן נבין
נריד אן נקסם כ'טא מסתקימה מפרוצ'ה חתי יכון אלסטח אלקאים אלזואיה אלד'י יחיט בה אלכ'ט כלה ואחד אלקסמין מסאויה ללמרבע אלכאין מן אלקסם אלבאקי
פליכון אלכט אלמסתקים אלמפרוץ כ'ט א"ב וינבג'י אן נקסמה חתי יכון אלסטח אלקאים אלזואיה אלדי יחיט בה אלכ'ט כלה ואחד קסמיה מסאו ללמרבע אלכאין מן אלקסם אלבאקי
פלנעמל מן כ'ט א"ב מרבע א'ב'ג'ד'
ולנקסם כ'ט א"ד בנצפין עלי נקטה אלה'
ונצל אלב' באלה' ולנכרג עלי אסתקאמה כ'ט ד"ה והו כ'ט א"ז אלמסתקים וליכון כ'ט ה"ז מסאויה לכ'ט ה"ב
ולנעמל עלי כט א"ז מרבע א'ז'ח'ט' ולנכ'רג עלי אסתקאמה כט ח"ט כ'ט ט"כ אלמסתקים
פאקול אן כ'ט א"ב קד קסם עלי נקטה אלט' קסמין יכון אלסטח אלקאים אלזואיה אלד'י יחיט בה כ'טא א"ב וב"ט מסאויה ללמרבע אלכאין מן כ'ט א"ט
פלאן כ'ט ד"א אלמסתקים קד קסם בנצפין עלי נקטה ה' וזיד עליה כ'ט מסתקים עלי אסתקאמה והו כ'ט א"ז יכון אלסטח אלקאים אלזואיה אלד'י יחיט בה כטא ד"ז וז"א מע אלמרבע אלכאין מן כ'ט ה"א הו מסאו ללמרבע אלכאין מן כ'ט ה"ז
וכ'ט ה"ז מסאו לכ'ט ה"ב פאלסטח אלקאים אלזואיה אלדי יחיט בה כ'טא ד"ז וז"א מע אלמרבע אלכאין מן כ'ט ה"א מסאו ללמרבע אלכאין מן כ'ט ה"ב לאן כט ה"ב מסאו לכ'ט ה"ז
ואלמרבעאן אלכאינאן מן כ'טי ב"א וא"ה מסאויאן ללמרבע אלכאין מן כ'ט ה"ב לאן זאויה ב'א'ה' קאימה
פאלסטח אלקאים אלזואיה אלדי יחיט בה כ'טא ד"ז וז"א ואלמרבע אלכאין מן כ'ט א"ה מסאו ללמרבעין אלכאינין מן כ'טי ב"א וא"ה
וננקץ מנהמא אלמרבע אלמשתרך אלכאין מן כ'ט א"ה פיבקי אלסטח אלקאים אלזואיה אלד'י יחיט בה כ'טי ד"ז וז"א מסאו ללמרבע אלכאין מן כ'ט א"ב
לכן אלסטח אלקאים אלזואיה אלד'י יחיט בה כטא ד"ז וז"ח הו מסאו ללסטח אלקאים אלזואיה אלדי יחיט בה כטא ד"ז וז"א לאן כ'ט ז"א הו מסאו לכ'ט ז"ח
ואלמרבע אלכאין מן כ'ט א"ב הו סטח א'ב'ג'ד' פסטח ז"כ מסאו למרבע ב"ד
פינקץ מנהמא סטח א"ב אלמשתרך פיבקי סטח ז"ט מסאויה לסטח ט"ג אלבאקי
ולכן סטח ט"ג מסאו ללסטח אלקאים אלזואיה אלד'י יחיט בה כ'טא א"ב וב"ט לאן כ'ט א"ב מסאו לכ'ט ב"ג
וסטח ז"ט הו אלמרבע אלכאין מן כ'ט א"ט פאלסטח אלקאים אלזואיה אלד'י יחיט בה כ'טא א"ב וב"ט מסאו ללמרבע אלכאין מן כ'ט א"ט
פקד קסמנא כ'ט א"ב אלמסתקים אלמפרוץ' עלי נקטה אלט' וכאן אלסטח אלקאים אלזואיה אלד'י יחיט בה כ'טא א"ב וב"ט מסאו ללמרבע אלכאין מן כ'ט א"ט ודלך מא ארדנא אן נבין
אלמרבע אלכאין מן אלצ'לע אלדי יותר אלזאויה אלמנפרגה מן אלמתלת אלמנפרג אלזאויה אעט'ם מן אלמרבעין אלכאינין מן אלמחיטין באלזאויה אלמנפרגה בצ'עף אלסטח אלקאים אלזואיה אלד'י יחיט בה אלכט אלד'י יקע עליה אלמעמוד מן אלכ'טין אלמחיטין [ב]אלזאויה אלמנפרגה ואלכט אלד'י יפצל אלמעמוד מן כ'ארג ממא ילי אלזאויה אלמנפרגה
פליכון אלמתלת אלמנפרג אלזאויה מתלת א'ב'ג' ולתכון זאויה ב'א'ג' מנה מנפרגה
ולנכ'רג כט א"ד אלמסתקים עלי אסתקאמה כט ג"א אלמסתקים ולנכ'רג מן נקטה אלב' אלי כ'ט א"ד אלמסתקים עמוד ב"ד
פאקול אן אלמרבע אלכאין מן כ'ט ב"ג אעט'ם מן אלמרבעין אלכאינין מן כ'טי ב"א א"ג בצ'עף אלסטח אלקאים אלזואיה אלד'י יחיט בה כ'טי ג"א וא"ד
פלאן כ'ט ד"ג קד קסם בקסמין כיף מא אתפק עלי נקטה אלא' יכון אלמרבע אלכאין מן כ'ט ד"ג מסאויה למרבעין אלכאינין מן כ'טי ד"א וא"ג וצ'עף אלסטח אלקאים אלזואיה אלד'י יחיט בה כ'טא ד"א וא"ג
ונגעל אלכאין מן כ'ט ב"ד משתרכה פאלמרבעין אלכאינין מן כ'טי ג"ד וד"ב מסאויאן ללמרבעאן אלכאינאן מן כ'טוט ב"ד וד"א וא"ג וצ'עף אלסטח אלקאים אלזואיה אלד'י יחיט בהא כ'טא ג"א וא"ד
ולכן אלמרבעאן אלכאינאן מן כטי ב"ד וד"ג מסאויה ללמרבע אלכאין מן כ'ט ב"ג לאן זאויה ב'ד'ג' קאימה
ואלמרבעאן אלכאינאן מן כ'טי ב"ד וד"א מסאויאן ללמרבע אלכאין מן כ'ט ב"א לאן זאויה ב'ד'א' קאימה
פאלמרבע אלכאין מן כ'ט ב"ג מסאו ללמרבעין אלכאינין מן כ'טי ב"א וא"ג מע צ'עף אלסטח אלקאים אלזואיה אלדי יחיט בה כ'טא ד"א וא"ג
פיכון אלמרבע אלכאין מן כ'ט ב"ג אעט'ם מן אלמרבעין אלכאינין מן כ'טי ב"א וא"ג בצ'עף אלסטח אלקאים אלזואיה אלד'י יחיט בה כ'טא ד"א וא"ג
פאלמרבע אלכאין מן אלצ'לע אלד'י יותר אלזאויה אלמנפרגה מן אלמתלת אלמנפרג אלזאויה אעט'ם מן אלמרבעין אלכאינין מן אלצ'לעין אלמחיטין באלזאויה אלמנפרגה בצ'עף אלסטח אלקאים אלזואיה אלד'י יחיט בה אלכ'ט אלד'י יקע עליה אלעמוד מן אלכטין אלמחיטין באלזאויה אלמנפרגה ואלכ'ט אלד'י יפצלה מן כ'ארג ממא ילי אלזאויה אלמנפרגה
אלמרבע אלכאין מן צ'לע אלדי יותר אלזאויה אלחאדה מן אלמתלתאת אלחאדי אלזאויה אצג'ר מן אלמרבעין אלכאינין מן אלצ'לעין אלמחיטין באלזאויה אלחאדה בצ'עף אלסטח אלקאים אלזואיה אלד'י יחיט בה אלכ'ט אלד'י יקע עליה אלעמוד מן אלכ'טין אלמחיטין באלזאויה אלחאדה ואלכט אלד'י יפצלה אלעמוד ממא ילי אלזאויה אלחאדה
פליכון אלמתלת אלחאד אלז[ו]איה מתלת א'ב'ג' ולתכן זאויה א'ב'ג' מנה חאדה
ולנכ'רג מן נקטה אלא' אלי כ'ט ב"ג עמוד א"ד
פאקול אן אלמרבע אלכאין מן כ'ט א"ג אצג'ר מן אלמרבעין אלכאינין מן כ'טי ב"ג וב"א בצ'עף אלסטח אלקאים אלזואיה אלד'י יחיט בה כ'טא ג"ב וב"ד
פלאן כ'ט ג"ב אלמסתקים קד קסם בקסמין כיף מא אתפק עלי נקטה אלד' יכונאן אלמרבעאן אלכאינאן מן כטי ג"ב וב"ד מסאויאן לצ'עף אלסטח אלקאים אלזואיה אלדי יחיט בה(א) כ'טא ג"ב וב"ד ואלמרבע אלכאין מן כ'ט ד"ג
פנגעל אלמרבע אלכאין מן כ'ט א"ד משתרכה פאלמרבעאת אלכאינאת מן כ'טוט ג"ב וב"ד וד"א מסאויה לצ'עף אלסטח אלקאים אלזואיה אלד'י יחיט בה כ'טא ג"ב וב"ד ואלמרבעין אלכאינין מן כ'טי א"ד וד"ג
ולכן אלמרבעין אלכאינין מן כ'טי א"ד וד"ב מסאויאן ללמרבע אלכאין מן כ'ט א"ב לאן זאויה א'ד'ב' קאימה
ואלמרבעאן אלכאינאן מן כ'טי א"ד וד"ג מסאויאן ללמרבע אלכאין מן כ'ט א"ג לאן זאויה א'ד'ג' קאימה
פאלמרבעאן אלכאינאן מן כ'טי ג"ב וב"א מסאויאן לצ'עף אלסטח אלקאים אלזואיה אלדי יחיט בה כ'טא ג"ב וב"ד מע אלמרבע אלכאין מן כ'ט ג"א
פאלמרבע אלכאין מן כ'ט ג"א אצג'ר מן אלמרבעין אלכאינין מן כ'טי ב"א וב"ג בצ'עף אלסטח אלקאים אלזואיה אלדי יחיט בהא כ'טא ג"ב וב"ד
פאלמרבע אלכאין מן [אל]צלע אלדי יותר אלזאויה אלחאדה מן אלמתלתאת אלחאדי אלזואיה אצג'ר מן אלמרבעין אלכאינין מן אלצ'לעין אלמחיטין באלזאויה אלחאדה בצ'עף אלסטח אלקאים אלזואיה אלד'י יחיט בה אלכ'ט אלד'י יקע עליה אלעמוד מן אלכ'טוט אלמחיטין באלזאויה אלחאדה ואלכ'ט אלד'י יפצלה(א) אלעמוד ממא ילי אלזאויה אלחאדה
נריד נעמל מרבע מסאו לשכל מסתקים אלאצ'לאע אלמפרוץ'
פליכון אלשכל אלמפרוץ' [אל]מסתקים אלאצ'לאע שכל אלא' וינבג'י אן נעמל מרבע מסאו לשכל אלא' אלמסתקים אלאצ'לאע
פלנקסם סטח מתואזי אלאצ'לאע קאים אלזואיה מסאו לשכל אלא' אלמסתקים אלאצ'לאע והו סטח ג'ב'ה'ד'
פאמא אן יכון כ'ט ב"ה מסאו לכט ה"ד ואמא אן יכון אחדהמא אעט'ם מן אלאכ'ר
פאן כאן מסאויאן פקד עמלנא מא ארדנא
ואן לם יכון מתסאויאן
פאן אחדהמא אעט'ם מן אלאכ'ר פליכון אחד כ'טי ב"ה וה"ד אעט'ם מן אלאכ'ר וליכון אלאעט'ם כ'ט ב"ה
ולנכ'רג כט ה"ז אלמסתקים עלי אסתקאמה כט ב"ה אלמסתקים ונגעל כט ה"ז מסאו לכט ד"ה
ולנקסם כ'ט ב"ז בנצפין עלי נקטה אלח'
ונכט עלי נקטה מרכז ה'א'ב' בעד כ'טי ח"ב וח"ז נצף דאירה ב'ט'ז' ונכ'רג כ'ט ה"ט אלמסתקים עלי אסתקאמה כט ד"ה אלי אלכ'ט אלמחיט ונצל אלט' באלח'
פלאן כ'ט ב"ז אלמסתקים קד קסם בקסמין מתסאויין עלי נקטה אלח' ובקסמין ג'יר מתסאויין עלי נקטה אלה' יכון אלסטח אלקאים אלזואיה אלדי יחיט בה כ'טא ב"ה וה"ז מע אלמרבע אלכאין מן כ'ט ה"ח מסאו ללמרבע אלכאין מן כ'ט ח"ז
כ'ט ח"ז מסאו לכט ח"ט פאלסטח אלקאים אלזואיה אלדי יחיט בה כ'טא ב"ה וה"ז מע אלמרבע אלכאין מן כ'ט ה"ח מסאו ללמרבע אלכאין מן כ'ט ח"ט
ואלמרבע אלכאין מן כ'ט ח"ט מסאו ללמרבעין אלכאינין מן כ'טי ט"ה וה"ח לאן זאויה ט'ה'ח' קאימה
פאלסטח אלקאים אלזואיה אלד'י יחיט בה(א) כ'טי ב"ה וה"ז מע אלמרבע אלכאין מן כ'ט ה"ח
מסאו ללמר[בעין] אלכאינין מן כ'טי ט"ה וה"ח
פינקץ אלמרבע אלמשתרך אלכאין מן כ'ט ה"ח
פיבקי אלסטח אלקאים אלזואיה
אלד'י יחיט בה כטא ב"ה וה"ז
מסאוי ללמרבע אלכאין (אלבאקי) [(......)] ומן כט ט"ה
ואלסטח אלקאים אלזואיה
אלדי יחיט בה כ'טא ב"ה וה"ז
מסאו לסטח ב"ד אלמתואזי אלאצ'לאע
לאנה יחיט בה כטא ב"ה וה"ד
וכ'ט ז"ה מסאו לכ'ט ד"ה
פסטח ב"ד מסאו ללמרבע לכאין מן כ'ט ה"ט
וסטח ב"ד מסאו לשכל א' אלמסתקים אלכ'טוט
פשכל אלא'
מסאו ללמרבע אלכאין מן כ'ט ה"ט
פקד עמלנא מרבע
מסאו לשכל אלא' אלמסתקים אלכטוט
והו מן כ'ט ה"ט

נריד [אן] נבין כיף נקסם כ'טא מסתקימה מפרוצ'ה חתי יכון אלסטח אלקאים אלזואיה אלד'י יחיט בה אלכ'ט כלה ואחד קסמיה מסאו ללמרבע אלכאין מן אלקסם אלבאקי
פליכון אלכ'ט אלמסתקים אלמפרוץ' כ'ט א"ב ונכרגה עלי א[...] אחד אלגהתין אלי נקטה אלג' וליכון כ'ט א"ג מסאויה לכ'ט א"ב
ונגעל נקטה אלא' מרכזא ונקדר בעד א"ב ונכ'ט נצף דאירה עלי ב'ד'ג'
תם נכ'רג מן נקטה אלא' עמודא עלי כ'ט א"ג והו עמוד א"ד
תם נקסם כ'ט א"ג בנצפין עלי נקטה אלה'
תם נצל נקטה אלה' בנקטה אלד' בכ'ט ה"ד תם נקטע מן כ'ט ה"ב כ'טא מסאויה לכ'ט ה"ד והו כ'ט ה"ז
פאקול אן קד' קסמנא כ'ט א"ב באלקס[מ]ה אלמטלובה עלי נקטה אלז' ואן [אל]קסמין כ'טא א"ז וז"ב ואעט'מהמא כ'ט א"ז
ברהאנה אן כ'ט א"ג קד' קסם בנצפין עלי נקטה אלה' וזיד פי טולה כ'ט אכ'ר והו כ'ט א"ז
פאלמרבע אלכאין מן כ'ט ה"ז מסאו לסטח אלקאים אלזואיה אלדי יחיט בה כ'טא ג"ז וז"א מע מרבע כ'ט א"ה
לכן כ'ט ה"ז מסאו לכ'ט ה"ד פמרבע כ'ט ה"ד מסאו ללסטח אלקאים אלזואיה אלדי יחיט בה כ'טי ג"ז וא"ז מע מרבע כ'ט א"ה לכן מרבע כ'ט ד"ה מסאו ללמרבעין אלכאינין מן כ'טי ה"א וא"ד
פאלמרבעין אלכאינין מן כ'טי ה"א וא"ז מסאויאן לסטח אלקאים אלזואיה אלדי יחיט בה כ'טי ג"ז וז"א מע מרבע כ'ט א"ה וא"ד מסאויאן לסטח אלקאים אלזואיה אלדי יחיט בה כ'טי ג"ז וז"א מע מרבע כ'ט א"ה
פנסקט מרבע כ'ט ה"א אלמשתרך יבקי אלסטח אלקאים אלזואיה אלד'י יחיט בה כ'טא ג"ז ה"א מסאויה ללמרבע אלכאין מן כ'ט א"ד וכ'ט א"ד מתל כ'ט א"ב
פמרבע א"ב מסאו לסטח אלקאים אלזואיה אלד'י יחיט בה כ'טא ג"ז וז"א ואלסטח אלקאים אלזואיה אלד'י יחיט בה כ'טא ג"ז וז"א מסאו למרבע א"ז מע אלסטח אלקאים אלזואיה אלדי יחיט בה כ'טא ג"א וא"ז
פמרבע כ'ט א"ב מסאו למרבע כ'ט א"ז מע אלסטח אלקאים אלזואיה אלד'י יחיט בה כ'טא ג"א א"ז ואלסטח אלקאים אלזואיה אלד'י יחיט בה כ'טא ג"א וא"ז מסאו ללסטח אלקאים אלזואיה אלדי יחיט בה כ'טא ב"א וא"ז
פמרבע כ'ט א"ב מסאו למרבע כ'ט א"ז מע אלסטח אלקאים אלזואיה אלדי יחיט בה כטא ב"א וא"ז ומרבע כ'ט א"ב מסאו לסטחין אלקאימי אלזואיה אלד'י יחיט בהמא כ'ט א"ב וכל ואחד מן [כ'טי] א"ז ח"ב
פמרבע כ'ט א"ז מע אלסטח אלקאים אלזואיה אלד'י יחיט בה כ'טא ב"א וא"ז מת'ל אלסטחין אלקאימי אלזואיה אלדי יחיט בהמא כ'ט א"ב וכל ואחד מן כ'טי א"ז וז"ב
ואדא אסקטנא אלסטח אלקאים אלזואיה אלד'י יחיט בה כ'טא א"ב וא"ז [אלמשתרך] יבקי מרבע כ'ט א"ז מסאויה ללסטח אלקאים אלזואיה אלד'י יחיט בה כ'טא א"ב וב"ז פקד קסמנא כ'ט א"ב באלקסמה אלמטלובה ודלך מא ארדנא
|-
|}