Al-HAṢṢĀR - Arabic in Hebrew Characters

Chapter One: Forms of Fractions	באב אלאול פי צור אלגבאר ואלכסור
Simple fractions	אעלם אן אול אלכסור אלנצף ובעדה אלתלת ובעדה אלרבע ובעדה אלכמס ואלסדס ואלסבע ואלתמן ואלתסע ואלעשר פהדי אסמא בסאיט
$\frac{1}{2}$	פאדא ארדת אן תצוור אלגבאר נצפא פארסם אתנין ועליהא כטאً ועלי אלכט ואחד עלי הד אלצורה
$\frac{1}{3}$	ואלתלת תלאתה ועליהא ואחד עלי הדי אלצורה
$\frac{2}{3}$	ואן ארדת אלתלתין ג'עלת פי מכאן אלואחד אתנין פתכון תלתין
$\frac{1}{4}$	ואלרבע ואחד עלי ארבעה
$\frac{1}{5}$	ואלכמס ואחד עלי כמסה
$\frac{1}{10}$	וכדאלך אלי עשרה וואחד עלי עשרה
	ויכון בינהמא כטא עלי מא תקדם
	ומן הד אלבסאיט איצ'א אלאגזא:
$\frac{1}{11}$	גזאً מן אחדי עשר תנזל אחדי עשר ועליהא כטא ועלי אלכט ואחד
$\frac{2}{11}$	ואן כאן גזאין געלת מכאן אלואחד אתנין
$\frac{10}{11}$	ותסעת אגזא או עשרה יכון מכאן אלואחד עשרה פיכון עש[רה] אגזא מן אחדי עשר
	וכדאלך תפעל באלאגזא כלהא מתל תלאת עשר וסבעת עשר תנזל מקאם אלגז תם תמד עליה כטא ועלי אלכט עדד מא מעך מן אלאגזא
Fractions of fractions	תם תשתרך הד אלאסמא פיכון מנהא אסם מולף מן אתנין מתל נצף סדס פהו אלאסם מולף מן אלנצף ואלסדס פארסם מקאם אלסדס ומקאם אלנצף תחת כט ותכון אלסתה אולי ואלאתנין גזא ותנזל עלי אלאתנין ואחד כמא תרי
$\frac{1}{2}\sdot\frac{1}{6}$	פהדא צורת נצף סדס
$\frac{1}{4}\sdot\frac{1}{7}$	וכדאלך רבע אלסבע ארבעה וסבעה תחת אלכט עלי הד אלצורה
	פהד אלצורה הי כסר אלכסר
Fraction and fraction of fraction	פאן כאן מעך כסר וכסר כסר פאקסם אלמקאמין תחת אלכט וארסם עלי כל ואחד מנהא גזא מעלום
$\frac{3}{5}+\left(\frac{1}{3}\sdot\frac{1}{5}\right)$	ומתאל דאלך לו קיל לך תלאתה אכמאס ותלת כמס
	פאנזל אלכמסה ואלתלאתה תחת כט וארסם עלי אלכט [...] תלאתה ועלי אלתלאתה ואחד עלי הד אלצורה
$\frac{5}{6}+\left(\frac{1}{4}\sdot\frac{1}{6}\right)$	וכדאלך כמסה אסדאס ורבע סדס
	אנזל אלארבעה עלי ואלסתה תחת כט וארסם עלי אלכט תלאתה ועלי אלסתה כמסה ועלי אלארבעה ואחד עלי הד אלצורה
$\frac{4}{13}+\left(\frac{3}{11}\sdot\frac{1}{13}\right)$	וכדאלך אשתראך אלאגזא מתל ארבעה מן תלאתת עשר ותלאתת אגזא מן אחדי עשר פי אלגז מן תלאתת עשר
	פאנזל אלתלאתת עשר [ו]אלאחדי עשר תחת כט ועלי אלתלאתת עשר ארבעה ועלי אלאחדי עשר תלאתה פיכון ארבע אגזא מן תלאתת עשר ותלת אגזא מן אחדי עשר פי אלגז מן תלת עשר והדה צורתהא
$\frac{9}{11}+\left(\frac{7}{9}\sdot\frac{1}{11}\right)+\left(\frac{5}{6}\sdot\frac{1}{9}\sdot\frac{1}{11}\right)+\left(\frac{1}{2}\sdot\frac{1}{6}\sdot\frac{1}{9}\sdot\frac{1}{11}\right)$	וכדאלך תשתרך פי תלאתת אסמא וארבע אסמא מתל תסעת אגזא מן אחדי עשר וסבעת אתסאע אלגז מן אחדי עשר וכמסת אסדאס תסע אלגז מן אחדי עשר ונצף סדס תסע אלגז מן אחדי עשר פמד כטא ואכתוב אלמקאם אלגז ובעדה מקאם אלתסע אלי מא ילי אליסאר ובעדה ובעדה מקאם אלתסע אלי מא ילי אליסאר ובעדה מקאם אלסדס ובעדה מקאם אלנצף תם אכתוב עלי כל ואחד מנהמא עדד אגזאיה ודאלך עלי אלאחדי עשר תסעה ועלי אלתסעה סבעה ועלי אלסתה כמסה ועלי אלאתנין ואחד עלי הד אלצורה
$\frac{4}{5}+\left(\frac{5}{6}\sdot\frac{10}{11}\right)$	ומן הד אלכסור ארבעת אכמאס וכמסת אסדאס עשרת אגזא מן אחדי עשר כל ואחד מנהא מנסו[ב] אלי אלואחד פאנך תפרק אלכט בינהמא ולא יכון מתצלא עלי הד אלצורה
	ומן הד אלכסור [מא הו] מנסוב פי אללפט' מחדו[ד] אלואו והו אכד אלכסר מן אלכסר
$\frac{3}{4}\sdot\frac{4}{5}\sdot\frac{5}{6}$	ומתאל דאלך תלאתת ארבאע ארבעת אכמאס כמסת אסדאס פצורת הד אלמתל צורת אלמתנאסבה באלואו ומד כטא" וארסם תחתה ארבעה תם אלכמסה תם אלסתה וארסם עלי כל ואחד מנהא עדד אלאגזא אלמדכורה וכדאלך עלי אלארבעה תלאתה ועלי כמסה ארבעה ועלי אלסתה כמסה והדה צורתהא
$\frac{3}{4}+\frac{4}{5}+\frac{5}{6}+\left(\frac{1}{2}\sdot\frac{1}{6}\right)$	ומ[ד] [ויכו....] פי הדא אכבר אמאם אלי מא ילי אליסאר וקד יאתי מן הד אלכסור מכתלף ומתנאסב מתל תלאתת ארבאע וארבעת אכמאס וכמסת אסדאס ונצף סדס ואנזל אלמכתלף כל ואחד מנהא תחת כט ואנזל אלמתנאסב תחת כט ואחד עלי מא תקדם והדה צורתהא
	ומנהא מא הו כסר אלכסר מנסוב אלי גיר ואחד מן אלכסור אלמכתלפה
$\frac{3}{4}+\frac{5}{6}+\left(\frac{1}{4}\sdot\frac{1}{8}\right)$	מתל תלאתת ארבאע וכמסת אסדאס ורבע תמן
	תחת כטא בדאתה והדה צורתהא
	עלי הד אלעמל קיאס מא יריד בעד הדא אן שא אללה תעלי
Chapter Two: Multiplication of Fraction by Integer	אלבאב אלתאני פי צרב אלכסר פי אלעדד אלצחיח
$\frac{5}{6}\times10$	אדא קיל לך אצֹרב כמסה אסדאס פי עשרה
	פאנזל אלכמסתת אסדאס פי סטרא ואנזל תחתה פי סטרٍ אכר אלעשרה עלי הד אלצורה
$\frac{5}{6}\times10=\frac{5\sdot10}{6}=\frac{50}{6}=8+\frac{2}{6}$	תם אבדי באלסטר אלאעלי וכד אלכמסה אלתי עלי אלסתה ואצֹרבהא פי אלעשרה יכון גמיע דאלך כמסין פאקסמהא עלי אלסתה אלתי הי אלאמאם והי איצ'א תחת כטٍ יכרג' לך תמאניה וסדסאן והדה צורתהא
$10\equiv_73\longrightarrow3\sdot5=15\equiv_71$	פאן ארדת אמתחאנהא פאטרח אלעשרה בטרח סבעה תבקי מנהא תלאתה פאצֹרבהא פי אלכמסה אלתי צרבת פיהא אלעשרה תכון כמסת עשר פאטרחהא סבעה אלבאקי ואחד
$8\equiv_71\longrightarrow\left(1\sdot6\right)+2=8\equiv_71$	פאצרבה פי אלסתה אלתי הי אלאמאם ואגמל מא עלי ראצהא ודאלך אתנאן יכון דאלך תמאניה פאטרח מנהא סבעה אלבאקי ואחד והו מואפק ללגואב אלמרפוע
Chapter Three: Multiplication of Fraction and Fraction of Fraction by Integer	אלבאב אלתאלת פי צֹרב אלכסר וכסר אלכסר פי אלעדד אלצחיח
$\left[\frac{1}{5}+\left(\frac{1}{2}\sdot\frac{1}{5}\right)\right]\times12$	אדא קיל לך אצֹרב כמסא" ונצף כמס פי אתני עשר
	פאנזל אלכמס ונצף כמס פי סטרא ואנזל אתני עשר פי סטרא תחתה עלי הד אלצורה
$\begin{align}\left[\frac{1}{5}+\left(\frac{1}{2}\sdot\frac{1}{5}\right)\right]\times12&=\frac{\left[\left(1\sdot2\right)+1\right]\sdot12}{2\sdot5}\\&=\frac{3\sdot12}{2\sdot5}=\frac{36}{2\sdot5}\\&=3+\frac{3}{5}\\\end{align}$	תם אבדא באלסטר אלאעלי פאצרב אלואחד אלדי עלי אלכמסה פי אלאתנין אלתי תחת אלכט ותג'מע אלי דאלך אלואחד אלדי עלי אלאתנין יכון דאלך תלאתה פאצֹרבהא פי אלאתני עשר תכון סתה ותלאתין פאקסמהא עלי אלאימא אלתי הי אתנין וכמסה יכרג לך אלמטלוב ודאלך תלאתה ותלאתת אכמאס והדה צורתהא
$12\equiv_75\longrightarrow5\sdot\left[\left(1\sdot2\right)+1\right]=5\sdot3=15\equiv_71$	ואמתחאן הד אלמסאלה כמא תקדם פי עמלהא ודאלך אן תצֹרב אלואחד פי אלאתנין ותגמל מא עלי ראסהא עלי מא תקדם פי אלעמל יכון דאלך תלאתה תם אטרח מן אלאתני עשר סבעה אלבאקי כמסה פאצֹרבהא פי אלתלאתה אלתי בקית מן אלכט אלאעלי תכון כמסת עשר אטרחהא סבעה אלבאקי מנהא ואחד
$3\sdot5=15\equiv_71\longrightarrow\left(1+3\right)\sdot2=4\sdot2=8\equiv_71$	תם ארג'ע אלי אלכארג פי אלגואב והו תלאתה פאצֹרבהא פי אלכמסה אלתי הי אלאמאם תכון כמסת עשר פיבקי מנהא בעד אלטרח ואחדאﹰ פאגמעה מע אלתלאתה אלתי עלי אלכמסה תכון ארבעה פאצֹרבהא פי אלאתנין אלדין המא אלאמאם אלתאני תכון תמאניה יבקי מנהא ואחד והו מואפק ללגואב
Chapter Three: Multiplication of Fraction of Fraction by Integer	אלבאב אלראבע פי צֹרב כסר אלכסר פי אלעדד אלצחיח
$\left(\frac{1}{3}\sdot\frac{1}{7}\right)\times25$	אדא קיל לך אצֹרב תלת סבע פי כמסה ועשרין פאנזל אלתלת סבע פי סטר ואלכמסה ועשרין פי סטר[.] תחתה עלי הד אלצורה
$\left(\frac{1}{3}\sdot\frac{1}{7}\right)\times25=\frac{1\sdot25}{3\sdot7}=\frac{25}{3\sdot7}=1+\frac{1}{7}+\left(\frac{1}{3}\sdot\frac{1}{7}\right)$	תם אצֹרב אלואחד אלדי עלי [אלתלאתה] פי אלכמסה ועשרין פאקסמהא עלי אלאמאם [יכרג'] לך אלמטלוב ודאלך ואחד וסבע ותלת סבע כמא תבין
$25\equiv_74\longrightarrow4\sdot1=4$	ואמתחאן הד אלמסאלה עלי מא תקדם פי עמלהא ודאלך אן תטרח אלכמסה ועשרין תבקי ארבעה פאצֹרבהא פי אלואחד אלדי עלי אלאמאם תכון ארבעה והו אלגואב בארבעה
$1\sdot7\equiv_70\longrightarrow\left[\left(0+1\right)\sdot3\right]+1=4$	תם ארגע אלי אלכארג והו ואחד פאצֹרבה פי אלסבע יכון טרחא ועלי אסמה ואחד פאצֹרבה פי אלתלאתה ואגמל מא עלי ראסהא תכון ארבעה והו אלמואפק ללג'וא[ב]
Chapter Five: Multiplication of Two Different Fractions by Integer	אלבאב אלכאמס פי צֹרב אלכסרין אלמכתלפין פי אלעדד אלצחיח
$\left(\frac{3}{4}+\frac{4}{5}\right)\times15$	אדא קיל לך אצרב תלאתה ארבאע וארבע אכמאס פי כמסת עשר
	פאנזל אלתלאתת ארבע ואלארבעת אכמאס פי סטראً ואנזל תחתה אלכמסה עשר עלי הד אלצורה
$\begin{align}\left(\frac{3}{4}+\frac{4}{5}\right)\times15&=\frac{\frac{\left[\left(4\sdot4\right)+\left(3\sdot5\right)\right]\sdot15}{4}}{5}=\frac{\frac{31\sdot15}{4}}{5}=\frac{\frac{465}{4}}{5}\\&=\frac{116+\frac{1}{4}}{5}=23+\frac{1}{5}+\left(\frac{1}{4}\sdot\frac{1}{5}\right)\\\end{align}$	תם אבדא באלסטר אלאול פתצֹרב מא עלי אלארבעה פי אלאמאם אלדי הו אלכמסה ומא עלי אלכמסה פי אלאמאם אלדי הו ארבעה ותגמע אלארבעה אלצֹרבין פיכון דאלך ואחד ותלאתין פאצֹרבהא פי אלכמסת עשר יכון דאלך כמסה וסתין וארבע מאיה פאקסמהא עלי אלאמאם יכרג לך תלאתה ועשרין וכמס ורבע אלכמס עלי הד אלצורה
$\begin{cases}3\sdot5=15\equiv_71\\4\sdot4=16\equiv_72\\15\equiv_71\end{cases}\longrightarrow\left(1+2\right)\sdot1=3\sdot1=3$	ואמתחאן הד אלמסאלה עלי מא תקדם פי צֹרבהא ודאלך אן תצֹרב אלתלאתה אלתי עלי אלארבעה פי אלכמסה אלתי תחת אלכט [..] ואחד תם אלד' אלתי עלי אלה' פי אלד' אלתי הו אלאמאם יכון י"ו יבקי מנהא תכון כמסת עשר יבקי מנהא אתנאן פאצ'[רב]הא אלי אלואחד אלואחד אלמרפוע יכון דאלך תלאתה פאצֹרבהא פי אלואחד אלבאקי מן אלכמסת עשר יכון דאלך תלאתה והו אלג'ואב
$\begin{cases}23\equiv_72\\2\sdot5=10\equiv_73\\\left(3+1\right)\sdot4=4\sdot4=16\equiv_72\end{cases}\longrightarrow2+1=3$	תם ארג'ע אלי אלכארג' והו תלאתה ועשרין יבקי מנהא אתנאן פאצֹרבהא פי אלכמסה אלתי הי אלאמאם תכון עשרה יבקי מנהא תלאתה אגמל עליהא אלואחד אלדי עלי אלכמסה תכון ארבעה פאצֹרבהא פי אלארבעה אלתי הי אלאמאם תכון סתת עשר אלבאקי מנהא אתנא" ועלי ראסהא ואחד תכון תלאתה והי מואפקה ללג'ואב
Chapter Six: Multiplication of Fraction by Integer and Fraction	אלבאב אלסאדס פי צרב אלכסר פי אלצחיח ואלכסר
$\frac{3}{5}\times\left(9+\frac{1}{3}\right)$	אדא קיל לך אצֹרב תלאתת אכמאס פי תסעה ותלת
	פאנזל אלתלאתת אלאכמאס פי סטרא ואלתסעה ואלתלת פי סטר אכר תחתה עלי הד אלצורה
	תם אצֹרב אלתסעה פי אלתלאתה ואגמל מא עלי ראצהא תכון תמאניה ועשרין פאצֹרבהא פי אלתלאתה אלתי עלי ראס אלכמסה תכון ארבעה ותמאנין פאקסמהא עלי אלאימה אלתי תחת אלכטוט יכרג לך אלמטלוב ודאלך כמסה ותלאתה אכמאס והדה צורתהא
	פאדא ארדת אלאמתחאן פאטרח אלתסעה יבקי מנהא אתנאן פאצרבהא פי אלתלאתה אלתי הי אל[אמאם] ואגמל מא עלי ראסהא תכון סבעה והו טרח פאצֹרבהא פי אלתלאת[ה] אלתי עלי אלכמסה תכון איצֹא טרחא וגואבהא טרח
	תם ארגע אלי אלכארג' מן אלצֹרב והו כמסה ותלאתה אכמאס פאצֹרב אלכמסה אלצחאח פי אלכמסה אלתי הי אלאמאם תכון כמסה ועשרין אלבאקי ארבעה ועלי ראסהא תלאתה תכון סבעה והי מנטרחה פאצֹרבהא פי מקאם אלתלת יכון איצא טרחא וג'ואבהא בטרח פקד צחת אלמסאלה ואעלם אן צנאעה אלעמל פי כל מסאלה מתל צנאעה אלטרח
Chapter Seven: Multiplication of Fraction and Fraction of Fraction by Integer and Fraction	אלבאב אלסאבע פי צרב אלכסר וכסר אלכסר פי אלצחיח ואלכסר
	אדא קיל לך אצֹרב כמסת אסדאס ונצף סדס פי סתה ותלאתת אכמאס
	פאנזל אלכמסת אסדאס ונצף סדס פי סטרٍ ואלסתה ואלתלאתת אכמאס פי סטר ואחד תחתה עלי הד אלצורה
	תם אבדא באלסטר אלאעלי פאצרב אלכמסה ואלאתנין ואגמל מא עלי ראסהא תכון אחדי עשר פארפעהא תם ארגע אלי אלכט אלאספל פאצֹרב אלסתה פי אלכמסה ואגמל מא עלי ראסהא תכון תלאתה ותלאתין פאצֹרבהא פי אלאחדי עשר אלמרפועה תכון תלאתה וסתין ותלת מאיה פאקסמהא עלי אלאימה יכרג' לך אלמטלוב ודאלך סתה וכמס סדס ונצף כמס סדס והדה צורתהא
	ואלאמתחאן פי הד אלמסאלה עלי מא תקדם [פי] צֹרבהא יבקי מן אלכט אלאעלי ארבעה ומן אלכט [אל]אספל כמסה תם אצֹרב אלארבעה אלתי בקית מן אלכט אלאספל פי אלכמסה תכון עשרין יבקי מנהא סתה והו אלגואב
	תם ארגע אלי אלכארג והו סתה וכמס סדס ונצף כמס סדס פאצֹרבהא פי מקאם אלסדס תכון סתה ותלאתין אלבאקי מנהא ואחד פאצֹרבה פי אלכמסה ואג'מל מא עלי ראצהא תכון סתה פאצרבהא פי אתנין ואג'מל מא ראסהא תכון תלאתת עשר אלבאקי מנהא סתה מתל אלג'ואב
Chapter Eight: Multiplication of Fraction of Fraction by Integer and Fraction	אלבאב אלתאמן פי צֹרב כסר אלכסר פי אלצחיח ואלכסר
	אדא קיל לך אצֹרב תלת סבע פי עשרה ותלאתת אכמאס
	פאנזל אלתלת סבע פי סטרٍ ואלעשרה ותלאתת אכמאס פי סטרٍ אכר תחתה עלי הד אלצורה
	תם אבדא באלסטר אלאספל פתצֹרב אלעשרה פי אלכמסה ואגמל מא עלי ראסהא תכון תלאתה וכמסין פתצֹרבהא פי אלואחד אלדי הו תלת סבע יכון תלאתה וכמסין פתקסמהא עלי אלאימה יכרג לך אלמטלוב ודאלך תלאתת אסבאע וכמסא סבע ותלתא סבע כמס עלי הד אלצורה
	ואמתחאן הד אלמסאלה עלי מא תקדם ואלגואב פיהא בארבעה טרח סבעה
Chapter Nine: Multiplication of Two Different Fractions by Integer and Fraction	אלבאב אלתאסע פי צֹרב אלכסרין אלמכתלפין פי אלצחיח ואלכסר
	אדא קיל לך אצרב תלאתת ארבאע וארבע אכמאס פי כמסה וכמסת אסדאס
	פאנזל אלתלאתה אלארבאע ואלארבעת אלאכמאס פי סטרٍ עלי מא תקדם פי אלבאב אלאול פי צור אלכסור אלמכתלפה תם אנזל פי סטרٍ תחתה אלכמס ואלכמסת אסדאס עלי הד אלצורה
	תם אבדא באלסטר אלאעלי פאצֹרב מא עלי אלארבעה פי אלכמסה ומא עלי אלכמסה פי אלארבעה ותג'מע אלצֹרבין יכון דאלך ואחדא ותלאתין פארפעהא תם ארג'ע אלי אלסטר אלא[ספ]ל פאצֹרב אלכמסה פי אלסתה ואג'מל מא עלי ראסהא יכון כמסה ותלאתין פאצֹרבהא פי אלואחד ואלתלאתין יכון דאלך כמסה ותמאנין ואלפא פאקסמהא עלי אלאימה יכרג לך אלמטלוב ודאלך תסעה וכמס[.] סדס ורבע כמס סדס והדה צורתהא
	ואמתחאן הד אלמסאלה עלי צפת צֹרבהא ואלגואב פיהא בטרח וגמיע אלאמתחאן אנמא אקתצרת פיה עלי טרח סבעה ואעלם אן אלכסרין אל מכתלפין חית מא אתאך מנהא שי פאנמא תאכוד מא עלי אלסטר אלאול ותצֹרבה פימא תחת אלכט אלתאני ותאכוד מא עלי אלכט אלתאני ותצרבה פי מא תחת אלכט אלאעלי ותג'מע אלצֹרבין ואלכסור אלמתנאסבה תאכוד מא עלי אכבר אמאם ותצֹרבה פי אלאמאם אלדי נסב אליה ותגמל מא עלי ראסה
Chapter Ten: Multiplication of Fraction by Integer and Fraction and Fraction of Fraction	אלבאב אלעאשר פי צֹרב אלכסר פי אלצחיח ואלכס' וכס' אלכס'
	אדא קיל לך אצרב תלאתה ארבאע פי כמסה וסבע אתמאן וסדס תמן
	פאנזל אלתלאתה ארבאע סטרٍ ואלכמסה וסבעת אתמאן וסדס תמן פי סטרא תחתה עלי הד אלצורה
	תם אבדא באלסטר אלאספל ואצֹרב אלכמסה פי אלתמניה ואגמל מא עלי ראסהא יכון דאלך סבעה וארבעין ואצֹרבהא פי אלסתה ואגמל מא עלי ראסהא [ואצרבהא פי אלתלאתה אלתי עלי סטר אלעאלי] יכון דאלך תסעה וארבעין ותמאן מאיה פאקסמהא עלי אלאימה יכרג' לך אלמטלוב ודאלך ארבעה ותלאתת אתמאן וסדסא תמן ורבע סדס תמן והדה צורתהא
	ואמא אלאמתחאן פעלי צפת אלעמל ואלג'ואב פיהא באתנין פאפהם ואעלם אנך מתי אתאך צחיח וכסר פאנמא אלעמל פיה אן תצֹרב אלצחיח פי אלכסר ותגמל מא עלי ראסה ומא אגתמע צֹרבתה פי מקאם אלכסר אלתאני וגמלת מא עלי ראסה
Chapter Eleven: Multiplication of Fraction by Integer and Fraction of Fraction	אלבאב אלחאדי עשר פי צרב אלכס' פי אלצחיח וכסר אלכסר
	אדא קיל לך אצֹרב כמסת אסדאס פי תמאניה וכמסת אסבאע תסע
	פאנזל אלכמסת אסדאס פי סטרٍ ואלתמאניה ואלכמסת אסבאע תסע פי סטרٍ תחתה עלי הד אלצורה
	תם אבדא באלסטר אלאספל פאצֹרב אלתמאניה פי אלתסעה ומא אגתמע פי סבעה ותגמל מא עלי ראסהא יכון דאלך תסעה וכמס מאיה פאצֹרבהא פי אלכמסה אלתי עלי ראס אלסתה יגתמע לך כמסה וארבעין וכמס מאיה ואלפאן פאקסמהא עלי אלאימה יכרג לך אלמטלוב ודאלך סתה וסתת אתסאע וארבע אסבאע אלתסע וסדס סבע אלתסע והדה צורתה
	ואלאמתחאן פיהא עלי צפת אלעמל ואלגואב פיהא בארבעה
	ואעלם אנה מתי אתאך צחיח וכסר כסר פאצֹרב אלצחיח אולא פי אלכסר אלאול ומא אג'תמע פי אלכסר אלתאני ותגמל מא עלי [ראסהא]
Chapter Thirteen: Multiplication of Fraction and Fraction of Fraction by Integer and Fraction and Fraction of Fraction	אלבאב אלתלאת עשר פי צֹרב אלכסר וכס' אלכס' פי אלצחיח ואלכס' וכס' אלכס'
	מתאל דאלך אצֹרב כמסת אסדאס ונצף סדס פי תמאניה וכמסת אסבאע וכמס סבע
	פאנזל אלכמסת אסדאס ונצף סטרٍ תם אנזל תחתה אלתמאניה וכמסת אסבאע וכמס סבע פי סטרٍ עלי הד אלצורה
	תם אבדי באלסטר אלאעלי פתצֹרב אלכמסה פי אלאתנין ואגמל מא עלי ראסהא יכון דאלך אחדי עשר תם ארגע אלי אלכט אלאספל פאצֹרב אלתמאניה פי אלסבעה ואגמל מא עלי ראסהא ואצֹרב אלמגתמע פי אלכמסה ואגמל מא עלי ראסהא יכון דאלך סתה ותלת מאיה פאצֹרבהא פי אלאחדי עשר אלמחפוטֹה אלתי כרגת מן אלסטר אלאול יכון דאלך סתה וסתין ותלאת מאיה ותלת אלאף פאקסמהא עלי אלאימה יכרג לך אלמטלוב ודאלך תמאניה ותלאתת אכמאס סדס סבע תמן והדה צורתהא
	וגואב הד אלמסאלה פי אלאמתחאן בסתה ואעלם אנך אד וצלת פי אלאמתחאן פי כארג אלמסאלה אלי אן תצֹרב פי אלכמסה ותגמל מא עלי ראסהא פאלמגתמע אצֹרבה פי אלאתנין אלדין ליס עלי [ר]אסהא שי ואטרח מא מעך פאן ואפק פקד אצבת ואן [כאלף] ואכטית
Chapter Fourteen: Multiplication of Fraction and Fraction of Fraction by Integer and Fraction of Fraction	אלבאב אלראבע עשר פי צרב אלכס' וכס' אלכס' פי אלצחיח וכס' אלכס'
ומתאל דאלך אצֹרב כמסת אסדאס ונצף סדס פי תסעה וסדס סבע
	פאנזל אלכמסת אסדאס ונצף סדס פי סטרٍ ואלתסעה וסדס סבע פי סטרٍ תחתה עלי הד אלצורה
	תם אעמל פי אלכמסה אסדאס ונצף סדס עלי מא תקדם יכון אלמג'תמע אחדי עשר פארפעהא תם ארגע ואעמל פי אלתסעה וסדס סבע עלי מא תקדם איצ'א יגתמע לך תסעה וסבעין ותלת מאיה פאצֹרבהא פי אלאחדי עשר יגתמע לך מן דאלך תסעה וסתין ומאיה וארבעה אלאף פאקסמהא עלי אלאימה יכרג לך אלמטלוב ודאלך תמאניה וסבע וכמסת אסדאס אלסבע וסדסא סדס אלסבע ונצף סדס סדס אלסבע פהדה צורתהא
	ואלגואב פיהא באלאמתחן בארבעה
Chapter Fifteen: Multiplication of Fraction and Fraction of Fraction by Integer and Two Different Fractions	אלבאב אלכאמס עשר פי צרב אלכס' וכס' אלכס' פי אלצחיח ואלכסרין אלמכתלפין
	ומתאל דאלך אצרב כמסת אסדאס ונצף סדס פי תמאניה ותסעת אעשאר ועשרת אעשאר אגזא מן אחדי עשר
	פאנזל אלכמסת אסדאס ונצף סדס פי סטר ואלתמאניה ואלתסעת אעשאר ואלעשרת אגזא מן אחדי עשר פי סטרא תחתה עלי הד אלצורה
	תם אעמל פי אלסטר אלאעלי עלי מא תקדם יכרג לך אחדי עשר תם ארג'ע אלסטר אלאספל פאצֹרב אלתמאניה פי אלעשרה ומא אג'תמע פי אלאחדי עשר יגתמע לך תמאנון ותמן מאיה פארפעהא תם אצרב אלתסעה פי אלאחדי עשר ואלעשרה פי אלעשרה יכון דאלך תסעה ותסעון ומאיה פאגמעהא אלי אלתמאניה ואלתמאן מאיה יכון דאלך תסעה ותסעין ומאיה פאגמעהא אלי אלתמאניה ואלתמאן מאיה ואלפא פאצרבהא פי אלאחדי עשר אלתי כרגת מן אלסטר אלאעלי יכון גמיע דאלך תסעה וסבעין ואלפא פאצרבהא פי אלאחדי עשר וסתין ותמאן מאיה ואחדי עשר אלפא פאקסמהא עלי אלאימה יכרג לך אלמטלוב ודאלך תמאניה ועשרת אג'זא מן אחדי עשר ותסעת אעשאר אלגז מן אחדי עשר ונצף סדס עשר אלגז מן אחדי עשר והדה צורתהא
	ואלגואב פיהא בארבעה
Chapter Sixteen: Multiplication of Fraction of Fraction by Integer and Fraction and Fraction of Fraction	אלבאב אלסאדס עשר פי צרב כסר אלכסר פי אלצחיח ואלכסר וכסר אלכסר
	מתאל דאלך אצֹרב תלתיי סבע פי סתה ותסעת אעשאר וארבע אכמאס אלעשר פאנזל אלתלתיי סבע פי סטרٍ
	ואנזל אלסתה ותסעת אעשאר וארבע אכמאס פי סטרٍ תחתה עלי הד אלצורה
	תם אבדא באלסטר אלתאני פתצֹרב אלסתה פי אלעשרה ותגמל מא עלי ראסהא יכון דאלך תסעה וסתין תם אצרב אלתסעה וסתין פי אלכמסה אלתי תחת אלארבעה ואגמל מא עלי ראסהא יכון דאלך תסעה וארבעין ותלאת מאיה פאצֹרבהא פי אלאתנין אלדין עלי אלכט אלאעלי יכון דאלך תמאניה ותסעין וסת מאיה פאקסמהא עלי אלאימה יכרג לך אלמטלוב ודאלך סתה אעשאר וארבע אסבאע אלעשר וכמסא סבע אלעשר ותלתא כמס סבע אלעשר והדה צורתהא
	ואלאמתחאן עלי מא תקדם ואלגואב בכמסה
Chapter Seventeen: Multiplication of Fraction of Fraction by Integer and Fraction of Fraction	אלבאב אלסאבע עשר פי צֹרב כסר אלכסר פי אלצחיח וכסר אלכסר
	ומתאל דאלך אצֹרב תלאתת ארבאע אלתסע פי תמאניה וכמסת אסדאס אלסבע פאנזל אלתלאתה ארבאע אלתסע פי סטר
	ואנזל אלתמאניה וכמסת אסדאס אלסבע פי סטר תחתה עלי הד אלצורה
	תם אבדא באלסטר אלאספל פתצרב אלתמאניה פי אלסבעה ומא אגתמע פי אלסתה ותגמל מא עלי ראסהא יכון דאלך ואחד וארבעין ותלת מאיה פאצֹרבהא פי אלתלאתה אלתי עלי אלכט אלאעלי יכון דאלך תלאתה ועשרין ואלפא פאקסמהא עלי אלאימה יכרג' לך אלמטלוב ודאלך סתת אתסאע ותלאתת אסדאס סבע אלתסע ותלאתת ארבאע סדס סבע אלתסע והדה צורתהא
	וגואבהא בואחד
Chapter Eighteen: Multiplication of Fraction of Fraction by Integer and Two Different Fractions	אלבאב אלתאמן עשר פי צֹרב כסר אלכסר פי אלצחיח ואלכסרין אלמכתלפין
	אדא קיל לך אצרב כמסת אסדאס אלתמן [פי סתה ותלאתת ארבאע וארבעת אכמאס]
	[פאנזל אלכמסה אסדאס אלתמן [..] ] פי סטר ואנזל אלעדד אלתאני פי סטרא תאני תחתה כמא תרי
	תם אבדא באלסטר אלאספל פתצֹרב אלסתה פי אלארבעה ומא אגתמע פי אלכמסה יכון דאלך מאיה ועשרין פארפעהא תם אצֹרב מא עלי אלארבעה פי אלכמסה ומא עלי אלכמסה פי אלארבעה ותגמע אלצרבין יכון דאלך ואחד וכמסין ומאיה פאצרבהא פי אלכמסה אלתי עלי אלכט אלאעלי יכון דאלך כמסה וכמסין וסבע מאיה פאקסמהא עלי אלאימה יכרג' לך אלמטלוב ודאלך סתת אתמאן וסדס תמן ותלאתת אכמאס סדס אלתמן ותלאתת ארבאע כמס סדס אלתמן הכדא צורתהא
	ואלג'ואב פיהא בסתה באלאמתחאן
Chapter Nineteen: Multiplication of Two Different Fractions by Integer and Fraction and Fraction of Fraction	אלבאב אלתאסע עשר פי צֹרב אלכסרין אלמכתלפין פי אלצחיח ואלכסר וכסר אלכסר
	ואדא קיל לך אצרב תלאתת ארבאע וארבעת אכמאס פי סתה וסבע אתמאן וסדס תמן
	פאנזל אל תלאתת ארבאע וארבעת אכמאס פי סטר [זאיד חתי לאכר אלדפה] עלי מא תקדם פי אלבאב אלאול פי צור אלכסור אלמכתלפה תם אבדא אנזל פי סטרٍ תחתה אלכמסה ואלכמסת אסדאס עלי הד אלצורה
	תם אבדא באלסטר אלאעלי פאצֹרב מא עלי אלארבעה פי אלכמסה ומא עלי אלכמסה פי אלארבעה ותגמע אלצרבין יכון דאלך ואחד ותלאתין פארפעהא תם ארגע אלי אלסטר אלאספל פאצרב אלכמסה פי אלסתה ואגמל מא עלי ראצהא יכון כמסה ותלאתין פאצֹרבהא פי אלואחד ואלתלאתין יכון דאלך כמסה ותמאנין ואלפא" פאקסמהא עלי אלאימה יכרג' לך אלמטלוב ודאלך וכמס סדס ורבע סדס כמס סדס והדה צורתהא
	ואמתחאן הד אלמסאלה עלי צפה צֹרבהא ואלגואב פיהא בטרח
	וגמיע אלאמתחאן אנמא אקתצרת פיה עלי טרח סבעה ואעלם אן אלכסרין אלמכתלפין חית מא אתאך מנהא שי פאנמא תאכוד מא עלי אלסטר אלאול ותצֹרבה פי מא תחת אלכט אלתאני ותאכוד מא עלי אלכט אלתאני ותצֹרבה פי מא תחת אלכט אלאול ותגמע אלצֹרבין ואלכסור אלמתנאסבה תאכוד פי סטרין ואנזל אלסתה וסבעה אתמאן וסדס אלתמן פי סטר תחתה עלי הד אלצורה
	תם אבדא באלסטר אלאעלי פאצֹרב עלי מא תקדם פי דאלך ואחד אלכסרין אלמכתלפין יגתמע לך ואחד ותלאתין פארפעהא תם ארגע אלי אלסטר אלאספל פאעמל פיה עלי מא תקדם פי אלצחיח ואלכסור אלמתנאסבה יגתמע לך מן דאלך ואחד ותמאנ[.] ותלתין ותלאת מאיה פאצֹרבהא פי אלואחד ואלתלאתין אלמרפועה מן אלסטר אלאעלי יגתמע לך מן דאלך ואחד וסתין ומאיתין ועשרת אלאף פאקסמהא עלי אלאימה יכרג לך אלמטלוב ודאלך עשרה וכמסת אתמאן ותלאתת אסדאס אלתמן ורבע כמס סדס אלתמן והדה צורתהא
	ואלגואב פיהא בסתה
	Chapter Twenty: Multiplication of Two Different Fractions by Integer and Fraction of Fraction	אלבאב אלמופי עשרין פי צרב אלכסרין אלמכתלפין פי אלצחיח וכסר אלכסר
	אדא קיל לך אצֹרב תלאתה ארבאע וארבעת אכמאס פי סתה וסבע תמן
	פאנזל אלתלאתה ארבאע וארבעת אכמאס פי סטרין ואנזל תחתהא אלסתה וסבע תמן פי סטר עלי הד אלצורה
	תם אבדא באלסטר אלאעלי פאצנע בה כמא צנעת באלכסרין אלמכתלפין יגתמע לך פיה ואחד ותלאתין פארפעהא תם ארגע אלי אלסטר אלאספל פאצנע בה כמא צנעת פי אלצחיח וכסר אלכסר יגתמע לך מנה סבעה וארבעין וארבע מאיה ועשרת אלאף פאקסמהא עלי אלאימה יכרג' לך אלמטלוב והו תסעת ותמנאן וארבעת אסבאע אלתמן וכמס סבע אלתמן ותלאתת ארבאע כמס סבע אלתמן כמא תרי
	ואלגואב פיהא בתלאתה
Chapter Twenty One: Multiplication of Two Different Fractions by Integer and Two Different Fractions	אלבאב אלחאדי ואלעשרין פי צֹרב אלכסרין אלמכתלפין פי אלצחיח ואלכסרין אלמכתלפין
	אד'א קיל לך אצֹרב נצפא ותלתין פי כמסה וסתה אסבאע ותמאנית אתסאע
	פאנזל אלנצף ואלתלתין פי סטרין ואנזל תחתהא אלכמסה וסתת אסבאע ותמאנית אתסאע פי סטרין איצא עלי הד אלצורה
	תם אבדא באלסטר אלאעלי ואצנע בה כמא תצנע באלכסרין אלמכתלפין יגתמע לך פיה פארפעהא תם ארגע אלי אלסטר אלאספל פאצנע בה כמא תצנע באלצחיח ואלכסרין אלמכתלפין יגתמע לך פיה כמסה ועשרין וארבע מאיה פאצרבהא פי אלסבעה אלמרפועה יגתמע לך מן דאלך כמסה וסבעון ותסע מאיה ואלפאן פאקסמהא עלי אלאימה ודאלך אן תצֹרב מקאם אלנצף פי מקאם אלתלת יכון סתה וסבעה ותסעה פאקסם עליהא אלעדד אלמדכור יכרג לך אלמטלוב ודאלך סבעה וסבעת אתסאע וכמסת אסבאע אלתסע וכמסת אסדאס סבע אלתסע כמא תרי
	והד אלמסאלה מטרוחה עלי אלאמתחאן
Chapter Twenty Two: Multiplication of Integer and Fraction by Integer and Fraction	אלבאב אלתאני ואלעשרין פי צֹרב אלצחיח ואלכסר פי אלצחיח ואלכסר
	אדא קיל לך אצרב תלאתה וכמס פי סבעה ותלאתת אתמאן
	פאנזל אלתלאתה וכמסא פי סטרא ואלסבעה ואלתלאתת אתמאן פי סטרא תחתה עלי הד אלצורה
	תם אבדא [באל]סטר אלאעלי פאצֹרב אלתלאתה פי אלכמסה ואג'מל מא עלי ראסהא יכון דאלך סתת עשר פארפעהא תם ארגע אלי אלסטר אלאספל פאצרב אלסבעה פי אלתמאניה ואגמל מא עלי ראסהא יכון דאלך תסעה וכמסון פאצֹרבהא פי אלסתת עשר אלמרפועה יגתמע לך מן דאלך ארבעה וארבעין ותסע מאיה פאקסמהא עלי אלאימה יכרג לך אלמטלוב ודאלך תלאתת ועשרין וארבעה אתמאן וארבעת אכמאס אלתמן כמא תרי
	וגואב אלמסאלה פיהא בסתה וצנאעתהא צנאעת אלעמל
Chapter Twenty Three: Multiplication of Integer and Fraction and Fraction of Fraction by Integer and Fraction and Fraction of Fraction	אלבאב אלתאלת ואלעשרין פי צרב אלצחיח ואלכס' וכס' אלכס' פי אלצחיח ואלכסר וכסר אלכסר
	אדא קיל לך אצרב אתנין ותלאתת אכמאס ונצף כמס פי ארבעה וסבעת אתסאע וסתת אתמאן אלתסע
	פאנזל אלאתנין ותלאתת אכמאס ונצף כמס פי סטרٍ ואלארבעה וסבעה אתסאע וסתת אתמאן אלתסע פי סטרٍ תחתה עלי הד אלצורה
	תם אבדא באלסטר אלאעלי פאצֹרב אלאתנין פי אלכמסה ואגמל מא עלי ראסהא יג'תמע לך מן דאלך סבעה ועשרון פארפעהא תם ארגע אלי אלסטר אלאספל פאצֹרב אלארבעה פי אלתסעה ואגמל מא עלי ראסהא ומא אגתמע צֹרבתה פי אלתמאניה וג'מלת מא עלי ראסהא יגתמע לך מן דאלך כמסון וארבע מאיה ותסעת אלאף פאקסמהא עלי אלאימה יכרג לך תלאת עשר ותסע ותמן תסע ובאקי אלאימה פארגה והדה צורתהא
	והד אלמסאלה ענד אלאמתחאן מטרוחה